[有沙入眼]是咁的，我嘅職業係幫想自殺嘅人寫遺書: 273.出奇蛋

第二日，星期三，我year2當年最chur嘅一日，朝早9半上到下奏4半，翻到屋企附近已經5點幾

我搖下頭，好似想搖走琴晚嘅自己咁

罪惡感令我覺得點都要補償翻啲野比金弦，今日就係我照顧佢嘅最後一日，好耐無買出奇蛋佢食，買盒出奇蛋啦，有玩具佢又開心

入到百佳，我搵出奇蛋，但係我搵唔翻原本嗰隻，點解個包裝唔同左？

我去問人





「吓？轉左呢款好耐喇喎，你要翻蛋型嗰隻呀？我都唔清楚邊間分店有呀。」

我上網睇圖，仆你個街，兩粒睪丸咁嘅款，出乜撚野奇蛋呀？

我又去埋附近嘅屈臣氏，ok，7仔同惠康，都係無