[有沙入眼]是咁的，我嘅職業係幫想自殺嘅人寫遺書: 282.真正開始

我無了解過金弦

我亦無了解過嗰個女仔

仲要重複幾多次同樣嘅情況？

我之所以唔理解我家姐，係因為我無放過個心落去了解佢

繼續係咁樣接客，唔止一個，跟住落黎嘅每一個客人，都將會喺無助同孤寂之中自殺





我救唔倒任何人

我阻止唔倒佢地對於生存同死亡嘅最後抉擇

但係，我已經唔想再睇漏，我客人嘅一舉一動；唔想再聽漏，佢地嘅一字一句

如果自盡嘅結果無辦法改變，我對佢地最後嘅理解同接納，就可以令佢地留住一絲感動離世

於是，我搏命去觀察每個客人嘅舉手投足、言行舉止，要睇穿森羅萬象之中唔應該比人睇得穿嘅感情





只有咁做，先係對自殺者最後嘅尊重

我要比佢地知道，最後嘅最後，有一個人，肯理解佢地

然後，我就真真正正，開始左幫人寫遺書