[有沙入眼]是咁的，我嘅職業係幫想自殺嘅人寫遺書: 285.捐血

miki話去救人，但係一直唔講去邊

我比佢昆左上車之後，佢又笑笑口咁哼歌，懶神秘咁

「到喇。」

原來救人，即係帶我捐血

「捐血救人丫嘛。」miki好似路飛咁露齒傻笑





「白痴。」比佢昆過黎嘅我仲白痴

「咩喎，真係救倒人加嘛。定係你怕比針吉？」

「會唔會係怕比針吉。」

「吉屎忽架喎。」

「屌，嗰個係探熱呀，捐血吉咩屎忽呀。」





miki用手指篤我嘴角：「哼哼，你笑喇。」我撥開佢隻手：「無笑。」

「明明就嘴角向上彎左廿五度。」

我正想鬧佢一鑊，miki就拖住我隻手拉我入去：「捐血捐血gogogo！」

我第一次感覺倒，原來miki隻手好軟屬，好暖