[有沙入眼]是咁的，我嘅職業係幫想自殺嘅人寫遺書: 293.嬲唔落

嗰日夜晚，miki車左我翻屋企之後，我就洗碗同清潔七國咁亂嘅廚房

個白痴妹又燒黑我個抽油煙機，又整爛左我把罐頭刀，爐邊仲有好多細細粒嘅餐肉碎，應該係煎嗰陣飛出黎

好彩平日勤打掃，屋企無曱甴

唔怪得條友仔咁好死帶我去捐血，擺明就係逃離案發現場

我好用力吸左一啖氣，呼翻出黎





明明係谷氣，但係又嬲唔落

我應該唔會係⋯⋯唔會！唔可以！

洗碗啦，咪諗其他野