[有沙入眼]是咁的，我嘅職業係幫想自殺嘅人寫遺書: 326.阿志

真係比miki搵倒阿志，於是而家阿志就喺我面前

「阿文同我提過你。」阿志係個好似謝霆鋒咁嘅男人，不過憂鬱嘅眼神同唏噓嘅鬚根為佢增添左幾分憔悴，有少少周星馳嘅孤寂感

「如果我叫你救阿文，我諗你都應該唔會救，係咪？」

我點點頭：「我唔會干預我客人最後嘅抉擇。」

「唔會阻止，同你想唔想阻止，係兩回事。」





miki講過，阿志當年望過佢件紅色冷衫就推測倒佢比屋企人虐待

即係話，阿志同我一樣，善於觀察

佢十指交握，放喺嘴邊，銳利嘅視線好似可以輕易睇穿我內心咁

「我唔會要求你出手，但係，你可唔可以用多一啲時間寫遺書？」