[有沙入眼]是咁的，我嘅職業係幫想自殺嘅人寫遺書: 333.條件

由一開始拍拖，阿志知道阿文要結婚先可以上床嘅時候，佢地就有講過點樣解決性需要嘅問題

「咁如果我出去叫雞，你接唔接受倒？」

阿文諗左諗，答：「得架，不過有條件。」

「吓？唔係正常都答唔得架咩？」

「咁我比唔倒飯你食，你想出街食咪出街食囉。都話有條件。」



唔可以食壞肚

唔可以中意個廚師

結婚之後就要留喺屋企食

「要搵個同你上床嘅人好簡單，但係要搵個肯比你同人上床嘅人，你知唔知有幾難？」

我想像唔倒，但係阿文竟然做得到