[有沙入眼]是咁的，我嘅職業係幫想自殺嘅人寫遺書: 352.真係明
阿文打開信封，就見倒一張寫滿字嘅紙
望住一字一句咁睇緊我篇原稿嘅阿文，佢嘅淚水喺眼底浮上黎，直到眼眶載唔落，將透明露珠排斥出黎
我睇過一本日文詩集，入面話過：「眼淚是情感，是心這個容器滿溢出來的情感。感動也好，悲傷也罷，載不下了，就流出來。」
阿文用手背抹走眼淚，但係抹乾左，又濕翻
雨水嘅聲音收細，由啪喇啪喇轉為沙沙沙嘅輕響
「原來⋯⋯你真係會明我諗咩⋯⋯」
阿文開始抄封遺書，每寫幾句，就索一下鼻水，用手將滑到面頰嘅淚水抹走
「你真係明⋯⋯⋯⋯」