[有沙入眼]是咁的，我嘅職業係幫想自殺嘅人寫遺書: 370.唔好放手
嗰一刻，阿文老豆喺我隔離出現，佢成個上半身到腰位已經飛左出去，亦因為咁，佢兩隻手捉得住阿文
而我亦立即轉移目標，兩手啱啱扣得住阿文老豆條粗腰，就好似抱住粗樹幹咁
阿文懸喺半空，阿文老豆半個身喺牆外，我抱住佢下半身，miki摟住我
miki向後拉扯嘅力完全唔夠
呢個時候，拉扯力增加左，原來係阿志
「頂住呀！」
一男一女一受傷，三個人嘅力量勉強可以保持阿文佢地唔跌落去，但係仍然唔足以拉翻佢地上黎
「呀女，唔好放手呀知唔知呀！」
但係，地心吸力仍然比我地三個優勝
阿文老豆個身，以秒速5厘米嘅速度，慢慢推前緊