[有沙入眼]是咁的，我嘅職業係幫想自殺嘅人寫遺書: 373.點點嘅幸福
我忍唔住諗，會唔會有一日，我都可以為左最重視嘅人，唔要自己條命？如果嗰日黎到，我做唔做倒咁嘅抉擇？
而對我黎講，會覺得為左佢，連命都可以唔要嗰個人，又會係邊個？
一個人一生，可能都未必有機會驗證另一個人肯唔肯為你死，就算驗證倒，通常都無好結果
但係阿文老豆就確確實實咁比自己個女感受倒，有人肯為自己犧牲，原來係好幸福
咁當然，阿志令阿文回心轉意嘅行動都係功不可沒，我亦發現左原來「我陪你」，係比「我愛你」更令人感動嘅三個字
而從阿志同阿文老豆兩個人嘅行動之中，我相信阿文已經好實在咁知道，佢生命中真係有兩個好愛佢嘅男人
單單係知道原來有人咁愛自己
唔理係咩人
我諗，都會感覺到幸福嘅
而呢點點嘅幸福，就足以叫阿文，生存落去