另外要講嘅係,原來阿文同阿志一齊去搵過阿dick

阿文堅持自己嘅立場,因為佢覺得自己嘅受害者身分之前,始終係一個社工,既然答應左阿dick老豆要比啲野個仔,佢就要做到

阿文同阿志坐喺探監室,隔住塊玻璃,面對破壞一切,只被性慾所推動嘅惡魔

「阿文,係咪好掛住我?入黎屌翻轉好無?好掛住你個又緊又窄⋯⋯」

阿文好冷靜,就好似自己根本唔係受害者咁講:「我黎係比段片你睇。」
阿文比左手機我,開左段片比我同miki睇





由於喺酒店開喇叭好失禮,於是我同miki一人用一邊耳機聽聲

「呃?開始左?」片段入面係個阿叔,亦即係阿dick老豆

「拍緊架喇,你有啲咩要同你個仔講?」阿文把聲喺鏡頭後面傳黎

「呃⋯⋯嗯,仔呀⋯⋯你睇倒段片嘅時候呢,就呃⋯⋯唔⋯應該已經由阿文口中知道,其實老豆我呢⋯⋯唔⋯⋯嗯⋯⋯」

「加油呀,練過咁多次,實講倒架!」





阿叔聽完阿文嘅鼓勵,咬關牙關點點頭

「就呢⋯即係咁囉,比公司⋯⋯唉,炒左好一段時間架喇。」

由佢縮起嘅搏頭同埋唔敢望鏡頭嘅雙眼就可以知道,佢真係好唔想喺個仔面前承認自己比公司炒左