[有沙入眼]是咁的，我嘅職業係幫想自殺嘅人寫遺書: 380.唔敢接觸

阿志叫我唔好翻位住，跟佢繼續喺外面遊兩轉先

「佢嘅過去，你大概知幾多？」

「全部。」我好有自信咁大約講左miki細個嘅事

阿志聽完，拍一拍我搏頭：「無人可以知道哂另一個人，全部嘅過去。」

只要離開視線範圍，就唔會知道人地經歷過咩野





就算講比你知，你又點判斷幾多成係真，幾多成係假？

甚至乎，你點知道係咪有啲事，對方無講比你聽？

「呀，唔該，要一份三文魚、八爪魚同呑拿魚。」

阿志睇住刀鋒界落魚生上面

「笑得最開心嘅人，內心嘅混沌就愈黑。」佢嘆口氣：「miki只係笑到以為自己內心已經無哂混沌。」





魚生上碟，阿志同個壽司師父點點頭，繼續行去另一度

「你知唔知，點解阿文當時淨係陪住miki，但係無輔導？」

「因為佢未讀完社工？」

「唔關事，只係唔敢接觸miki。」

「唔敢接觸？點解？」





「因為當時，阿文太驚。」