「最後⋯⋯點?」

「最後我幫miki洗走手上嘅血,然後帶走佢。好彩好似無目擊者。等鄰居自然發現屍體報警。」

望向我地張枱,同阿文傾得好開心嘅miki手舞足蹈,搞到阿文都忍唔住笑

「話就話生唔倒仔,唔可以中意人。但係講還講,真係動情都吹佢唔脹嘅。」

我地慢慢行翻位





「只係,我覺得你應該要知道,miki笑容背後隻怪物,到底係咩樣姐。」

翻到埋位,我個位放左幾件咬左一啖嘅蛋糕

「咩料?」

miki答:「呢幾件唔好食嘅,比左你,哈哈!」然後又飛左出去攞甜品

咁嘅白痴妹,內心有怪物存在,有啲難以置信





但係考慮到miki嘅過去,又覺得,心扉後有怪物,先係正常