[有沙入眼]是咁的，我嘅職業係幫想自殺嘅人寫遺書: 389.有感覺
對上一次有咁嘅對話，已經係同靜思一齊嘅時候
因為手機無電，靜思搵左我成日都搵唔倒
我唔理！總之你唔陪我我就嬲死你！
聽得出，其實一半係嬲，另一半係想嗲下男朋友嘅感覺
如果咁都睇唔出，唔識氹翻人的話，咁作為男朋友都幾失敗
問題係，我同靜思真係情侶關係，但同miki又係咩關係？
雖然阿文問我會唔會同miki一齊，我好堅決咁話唔會
不過唔能夠否認嘅係，我對miki有感覺
嗰種感情已經喺胸口浮現，而且仲抹極都抹唔走，就好似用有污跡嘅布喺白牆上打圈，愈抹愈污糟