[有沙入眼]是咁的，我嘅職業係幫想自殺嘅人寫遺書: 402.家人嘅幽靈

「我到底⋯⋯喺度做乜⋯⋯」廁所入面，望住鏡中嘅自己，同我身後嘅屍體

最初係無客人嘅時候，近日我發現仲有當我覺得開心同幸福嘅時候，佢地就會浮現出黎

咁即係話，啱啱嗰段時間，真係好開心

「放過⋯⋯」我

我無講出口，深呼吸





原來，中意miki，係又幸福，又痛苦嘅事

我嘅肉體，好似比兩道相反嘅力量拉扯，右胸下一秒就會皮開肉裂咁

好痛⋯⋯

再係咁落去，我可能會痴線

我一直覺得，只要繼續搵倒客人，我就可以得到解脫，但其實係治標唔治本





我轉身，正視三具低頭滴血嘅屍體

「你地⋯⋯想我點？」

理性警告我，唔可以開心，要推開幸福

而感性就誘惑我，問點解幸福就喺身邊，都唔伸手捉住佢？

明明有罪，明明無資格





但係，我而家想擁有幸福嘅資格

真係醜陋到自己都唔敢承認，口口聲聲話痛苦，話自己要背負罪孽，而家竟然無恥到想得到過快樂生活嘅資格

點對得住我害死嘅屋企人！

諗到呢度，我又壓抑翻自己嘅願望

「對唔住⋯對唔住⋯⋯」