[有沙入眼]是咁的，我嘅職業係幫想自殺嘅人寫遺書: 406.我中意你

「你明知⋯⋯我嘅體質係唔會幸福嘅，點解仲要錫我？」

「我⋯⋯都唔知點解。」

「我仲以為，你咩都知架添。」

唯獨對自己嘅事，我咩都唔知

「我地兩個，可以幸福咩？」





我無答到

直覺話我知，最後只會係場悲劇

「我想聽你親口講⋯⋯」

可唔可以幸福，我真係唔知

未來太遠喇





但係至少，我知我而家係咩心情

唯獨今次，就容許我盲目跟從其他人嘅做法

世界上所有情侶，都有機會分手

世界上所有夫妻，都有機會離婚

但係無人會預視自己嘅不幸，而無視自己當下嘅感受





「我中意你。」呢一刻，同未來有咩等待我地毫無關係

我只係好想，同你講，我中意你