[有沙入眼]是咁的，我嘅職業係幫想自殺嘅人寫遺書: 408.手術

miki9歲開始比老豆侵犯，但係切除卵巢嘅手術係佢12歲，開始發育嘅時候進行

當時，係天時地利人和造就嘅悲劇

距今13年前，2003年，非典型肺炎爆發，林伯所有高位買入嘅股票瞬間插水

2003年，我8歲，難得地印象好深，因為停課唔洗翻學，而且老豆好難得咁喺屋企

每個年代都有人借錢炒股而發達





每個年代都有人借錢炒股要跳樓

身為短線炒家嘅林伯，借錢炒燶股票嘅結果，唔洗問都知係死路一條

「所以⋯⋯我⋯⋯」林伯托高眼鏡，用手巾抹眼淚，視線睇一睇我：「就問老梁借錢救命。」

老梁，就係miki老豆

「就咁比左你唔駛還又點話？只要你幫我做一樣野就得。」





「所以你就接左單手術黎做？」

林伯面有難色，好似唔想認咁

隔左一陣，佢好似下定左決心，堅定咁講：「係⋯⋯我接左⋯⋯個手術⋯⋯」