[有沙入眼]是咁的，我嘅職業係幫想自殺嘅人寫遺書: 428.驚

「鯊魚呀！」miki喺水族館指住玻璃入面叫出黎，然後捐左去我身後面

「做咩？」

「驚驚⋯⋯」

「驚鯊魚？」

「係呀，你有無諗過如果啲大鯊魚撞爛塊玻璃咁點呀？」





「啲玻璃好厚架，佢地撞唔爛。」

miki靜靜望住我：「你⋯⋯其實明唔明我想講咩？」

「明啲唔明啲咁。」

佢咬一咬下唇：「我覺得⋯既然我地已經係男女朋友，有啲事，我應該對你坦白⋯⋯」

「我諗你想講嘅野，阿志已經話左我知。」





miki有啲驚訝，但係佢應該諗翻嗰日喺車入面，我對佢失控嘅反應，所以好快繼續講：「唔怪得⋯⋯嗰日你可以咁冷靜。」

「你係咪怕，有一日控制唔倒自己內心嘅⋯⋯殺意？」

佢無出聲，將塊面埋喺我手臂，點點頭