[有沙入眼]是咁的，我嘅職業係幫想自殺嘅人寫遺書: 443.唔忍心放手

miki之前無同我講，係因為佢根本無嗰段記憶

喺海洋公園嗰日，佢話要同我坦白，其實嗰陣佢先記翻起阿志同我講嗰兩件事

我表白嗰日，miki記翻起場手術

我地去旺角，確立關係嗰日，佢記翻起自己剪爛毛公仔同毀屍嘅事

然後就開始捉屋入面嘅老鼠做手術





miki摟得我好實，淚水滴落我胸口：「我愈覺得幸福，我嘅記憶就愈清楚⋯⋯點解要咁⋯⋯」

聽得我心痛，但係無能為力

佢就好似一隻隨時會變成狼人嘅兔仔

我明明好清楚，佢一旦變做狼人，我就死梗

不過，我仍然忍唔住抱實呢個計時炸彈





我知自己會粉身碎骨，但係，我唔忍心放手