[有沙入眼]是咁的，我嘅職業係幫想自殺嘅人寫遺書: 446.如果可以

兩日之後，miki已經將常用嘅行李搬左黎我屋企

「拿，你嘅鎖匙。」

miki拎左之後，就整入自己鎖匙扣度

「以後請你多多包容小妹喇。」

我地正式開始同居





另外，miki亦好乖接受左我嘅建議去睇醫生

治療順利進行，另一個miki喺輔導同藥物幫助下無出現嘅跡象

加上佢同我一齊住，完全遠離誘發第二人格出現嘅地方，所以可以話幾乎達到治本嘅效果

治療人員話，miki進展良好，只要保持而家呢個狀態一年左右，應該就可以完全消除另一個人格

如果可以一直咁樣生活落去，你話幾好呢？