[有沙入眼]是咁的，我嘅職業係幫想自殺嘅人寫遺書: 448.原來屋企係咁樣
「阿金阿金，我買左妖怪手錶嘅百力枝，一齊食丫！」
今日，我因為諗起一句說話而出門搞啲野，其實好無謂，連自己都唔知點解會心血來潮走去搞
或者因為，我嘅第六感話我知，而家唔做，遲啲就無機會
miki見我翻到屋企，即刻好似小朋友炫耀新玩具咁比盒百力枝我睇
雖然已經遺忘左好耐，但係⋯⋯我終於記翻有人喺屋企等我嘅感覺⋯⋯
「金仔，我買左午餐肉，你煎定我煎呀？」
阿媽你都係比我煎啦
「唔洗咁驚訝嘅，老豆今日放假。」
翻到黎見倒你，好難唔驚訝喎
「金仔金仔，件衫襯唔襯我？」
襯，梗係襯
「阿金⋯⋯做咩眼濕濕咁？」
我笑一笑
無野
只係諗翻起，原來屋企係咁樣