[有沙入眼]是咁的，我嘅職業係幫想自殺嘅人寫遺書: 460.殺左你

詭異大屋入面嘅嬰靈笑聲直入骨髓，我即刻成個人醒哂，先發現水果刀刃已經向我刺過黎

我退後避開，隻腳踩倒隻波鞋，成個人失平衡跌左落地

抬頭一睇，有個細小嘅人影左手㩒住大門，右手拎住水果刀，因為背光而睇唔倒佢個樣

「阿金⋯⋯一齊玩丫。」

miki側一側頭，走廊嘅黃光令佢血紅嘅右眼顯現出黎





啱啱，我只要避遲一秒就死梗

破壞人格佇立我眼前，嘴角裂到耳珠，魔物嘅笑容呑噬人性

「唔⋯⋯你想做手術定死？」

我喺地下用手掌退後，拉遠距離

miki見我後退，就行入屋，閂埋門





咔嚓

大門鎖上嘅聲音

「救⋯⋯救命⋯⋯」

頭部呈90度側向左邊，眼前嘅怪物好似思考緊

「救命？即係唔想死？」





有一剎那，miki嘅嘴角好似拉到上眼角咁笑左出黎

「咁我就殺左你啦。」