[有沙入眼]是咁的，我嘅職業係幫想自殺嘅人寫遺書: 462.機械人
好彩我隻手仲有力，我捉實佢嘅手腕同拳頭，刀尖喺我眉前一吋停低
miki知自己唔夠力，用埋另一隻手㩒落黎
刀尖靠近半吋
大腦開始有翻思考能力，有無方法甩身？踢佢？唔得，miki坐住我大比，發唔倒力
兩隻手要頂住佢把刀，頭同佢距離太遠，想用頭搥撞佢都唔得
物理攻擊嘅可行性係零
「miki！醒下！我係阿金呀！」
「仲係醫生叔叔個仔⋯⋯殺左你⋯⋯殺左你⋯⋯殺左你殺左你殺左你殺左你嘻嘻嘻嘻嘻嘻嘻嘻嘻嘻嘻！！！！！！」
完全無得溝通，miki就好似輸入左殺人指令嘅機械人，只要未完成任務就會繼續行動