[有沙入眼]是咁的，我嘅職業係幫想自殺嘅人寫遺書: 465.最後一個客人

結果我成晚無訓過，相信miki都係一樣

我懷住沉重嘅心情踏入屋企樓下間中式點心舖

你就係喺網上話幫人寫遺書嘅人？

miki第一次同我見面嗰陣嘅對白，就好似琴日先聽完咁

嗰陣佢話見面地點可以完全就哂我，所以我揀左最近屋企嘅點心舖





你幫我寫封遺書丫

唔得

點解呀？

你都唔係想死

嘩！你點知架？





原來唔經唔覺已經幾個月

今日，同一間舖、同一個位、同一對男女

唔同嘅，就只有對白

「阿金⋯⋯」

唔好⋯⋯





唔好講⋯⋯

「幫我⋯⋯寫封遺書。」

我好想話，唔得

但係我答應過，只要miki搵我嘅話，我就會幫佢寫

「你想⋯⋯寫咩落去？」

miki索一索鼻水，發紅嘅雙眼望向一邊

幫我同一個男仔講，我愛佢