[有沙入眼]是咁的，我嘅職業係幫想自殺嘅人寫遺書: 473.阿心同嘉儀

如果要我對呢對奇怪組合評分，十分滿分我比十二分

簡直同史路比叫雞，中國有人權一樣咁九唔搭八

到底呢兩條友點會識？仲兩個一齊黎呢間點心舖，睇黎關係仲唔錯

「我同阿心會識，其實係因為你。」嘉儀點完想食嘅野，就同我講佢地相識嘅經過

我乜都無做過喎好似！





我注意倒嘉儀個表情散發住一種好自然嘅舒適感⋯⋯

原來係咁，上次見面嘅時候佢堂眉無意識咁有少少皺起黎，但今日，佢堂眉無再皺埋，而且權骨輕輕提起，係好無意識嘅輕鬆，介乎少少興奮同微笑嘅表情

好明顯，已經唔係一個想自殺嘅人會有嘅表情

「嗰日我搵你寫遺書⋯⋯」嘉儀繼續講，我就繼續聽

嘉儀同我見面嗰日，由於佢感冒加頭痛，所以未同我講好哂有關遺書嘅事就走先





佢搭地鐵翻屋企嘅時候，由於太多人空氣唔流通，就虛弱到喺車廂腳軟訓低左

當時嘅車廂一陣騷動，而搭緊同一班車嘅阿心見倒咁嘅情形，身為醫學生嘅責任感就令佢覺得唔可以唔理，即刻主動埋去幫嘉儀

「呢度係b5車廂，有個乘客好虛弱，麻煩你地派職員喺下個站準備定輪椅，仲有叫救護車。」

阿心驅散人群：「唔該散開少少，盡量令空氣流通啲。」

雖然好多乘客都幫手同聽從阿心嘅指令，但係都有個阿叔有怨言：「屌，咁多人點散呀。唉，實有排搞，阻住哂。」





阿心幫嘉儀檢查，知道只係感冒，就扶佢去有人讓出黎嘅位坐，比水佢飲

然後，轉身對住個阿叔講：「如果個個好似你咁諗唔盡量空啲位出黎，病人惡化搞得仲耐。你想快啲落車就唔該收聲死埋一邊！」

呢一切，嘉儀雖然虛弱，都一一睇倒

「嗰陣我諗，真係一個好堅強好硬淨嘅女仔，即刻有少少崇拜佢架。」

阿心聽倒，怕醜咁拍一拍嘉儀：「咁個阿叔係衰丫嘛！」