[有沙入眼]是咁的，我嘅職業係幫想自殺嘅人寫遺書: 475.放低痛苦

嘉儀唔識形容當時嘅感覺，但就有啲似發現身材苗條嘅朋友，原來曾經都好肥一樣

「我以為同自己完全唔同嘅人，原來都同我樣。」

於是嘉儀就諗，自己應該都可以變到好似阿心咁，堅強又開心

佢靠自己，放低哂自己喺網路上建立嘅一切，決定要休息一段長時間，然後有機會先重新出發

過程之中，阿心亦一直支持佢





曾經肥過而成功減肥嘅朋友陪自己減肥，無野比咁樣更具激勵作用

因為阿心都曾經想自殺，比任何人都清楚嘉儀需要啲咩

「其實每個人需要嘅野，都大同小異。」阿心話，如果係必須解決嘅問題，解決左就唔會再想自殺

而如果係單純咁鑽牛角尖，自己諗埋一邊，阿心就認為，只要令當事人感覺倒被愛，就足以令佢撐落去

阿心透過冬姐嘅死，確切咁感受倒母愛，於是決定生存落去





嘉儀因為阿心嘅陪伴，感受倒朋友嘅關愛，過左幾個月，漸漸就放低左身為網路作家嘅痛苦