[有沙入眼]是咁的，我嘅職業係幫想自殺嘅人寫遺書: 483.盡人事，聽天命

所有要做嘅準備都已經完成

盡人事，聽天命

人事已盡，跟住落黎就係聽天由命

無論最後結局係邊一個，我都無愧於心

我唔知對miki黎講邊個結局比較好，但我已經盡哂力將最好嘅結局呈現喺佢眼前





係生係死都好，我希望miki直到最後能夠流落黎嘅，係感動嘅眼淚

為左你最後嘅眼淚唔會比黑暗同瘋狂污染，我願意沉沒於無底深淵，將你拉翻上黎

手機震動，miki嘅wtsapp

「你肯定喺你屋企見面？」

「係，我比一樣野你，然後先見證你自殺。」





「但係我可能會殺左你。」

「唔會有事，信我。」

沈默左一陣，miki個名下面連續幾次「輸入中⋯」同「在線上」交替出現

唔知佢想打咩比我，但最後都只係得好簡單嘅「ok」

然後，我屋企嘅門鐘就響起





叮，噹⋯⋯