播放清單嘅下一首歌,播出前奏

https://youtu.be/wPGCIqt_klw

我轉身,拎出無鑽石嘅戒指:「梁美琪,你願唔願意嫁比曲金鉉,成為我嘅妻子?」

「我願意⋯⋯」

我又講:「曲金鉉,你願唔願意娶梁美琪,成為佢丈夫呢?」然後再自答:「我願意。」





我同miki交換戒指,套喺直通心靈嘅左手無名指上面

我揭開佢薄薄嘅面紗,嘴唇靠近,歌曲同時響起

吻下去,便確定我共你,能同生,能同死
趁渡假,覓勝地我共你,能從此一起

miki嘅眼淚沾濕我塊面

我們,身邊太多假人,心中太多傷痕,等不到私奔





另一個人格漸漸浮現,miki嘅手指隔住純白手套埋入我手背

我要將你拯救,逃離人類荒謬,就用我的雙手, 帶著你走,不掙扎,只緊扣

「今次,我唔會再放手。」

從未低頭,途經幾百萬傷口,站在我的身後,要確保你無愁沒憂

「你放手啦⋯⋯如果唔係⋯⋯我點自殺⋯⋯」





不聽閒言,若你好,就已經,很足夠

「記唔記得,Jack同Rose講過咩野?」

愛下去,便慶幸我共你,能同歌,能同泣

miki嘅表情好訝異,空出嘅手掩住嘴:「無可能⋯⋯你已經實現哂我啲願望架喇⋯⋯」

與外界,未隔絕我共你,能停止,呼吸

「仲未實現哂,仲差一個,唔係咩?」

我們,身邊太多批評





手嘅力度減輕左,另一個人格再次比感動壓制

干擾敏感生命,不想太清醒

「You jump, I jump.」

我要將你拯救,逃離人類荒謬

「我陪你死。」

就用我的雙手,帶著你走,不掙扎,只緊扣

「你⋯⋯係咪傻左⋯⋯講咩陪我死喎⋯⋯」miki對眼完全控制唔倒缺堤嘅眼淚,嗰份絕望盡頭嘅感動,就係我最後送比你嘅禮物

從未低頭,途經幾百萬傷口





老梁又好,林伯又好,我老豆又好,miki又好,甚至另一個miki都好,我全部都會承受

站在我的身後,要確保你無愁沒憂 

由我黎為呢場悲劇寫低終曲

不聽閒言,若你好,就已經,很足夠

miki握住我隻手嘅力量又再一次加強,比以前任何一次都更大力,指甲吉穿手套,插入我手背

那裡無人被嫌棄,那裡無人被人欺

「捱唔⋯⋯住喇⋯⋯⋯⋯」





浪漫溫馨一世紀,那裡只得我共你

「辛苦你喇,已經,唔洗再捱。」

勝過絕美的晨曦

間奏響起,我同miki合埋眼

十指緊扣,一齊向虛空踏出一步

兩個人,一齊下跌

我要將你拯救,逃離人類荒謬

手機一路播住歌,喺我袋飛左出黎






就用我的雙手,帶著你走,不掙扎,只緊扣

唔會放手,點都唔會再放開miki隻手!

從未低頭,途經幾百萬傷口

下方傳黎救護車到場嘅聲音,多謝你地,阿文,阿志

站在我的身後,要確保你無愁沒憂

不聽閒言,若你好,就已經,很足夠

攬住miki嘅身體扭轉角度

生存

就這麼

愛到死

很足夠

最後一刻,我聽倒,自己骨頭碎裂嘅聲音,就好似比書頁壓扁左嘅百合花瓣,隨風飄去,畫出銀白色嘅星河軌跡,迎接我人生唯一一次,伴隨下墮嘅飛行
-----------------------------------------------------------------------------------------------------------------------------------------------------------------------
sad end完
最後最後的結局將會在書中刊登,各位讀者,書展見