簡介

朋友叫我做鐵筆,其實我都唔知呢個名係點樣得黎既。簡單介紹一下自己,我今年五十三歲,有一個女,叫希亭。係我爸爸幫佢改既,希望佢亭亭肉立。 我係一個導演,學黃子華話 “好似藝術家咁,死左之會得到世人尊重”;讀完演藝幾年出黎做野都係一事無成,難聽講句係失敗。演藝圈呢一行真係唔易撈,唔識人真係屎都無得你食。 我屋企有爸爸,媽媽,一個家姐,一個細妹同一個細佬;大家姐係律師樓既股東,細妹係保險公司既Marketing Manager,細佬係壽司店老板。睇到呢度唔好以為我屋企好有錢,佢地都係憑住自己既好努力好努力好努力去做到依家呢個位置。而我就係一家大細裡面最叛最唔聽話既一個!



------------------------------------------ 「你地咩事咁夜番!」 

相信唔少人聽到呢句都會諗起自己媽媽,你地都一定聽過呢句說話。係媽媽未開口閙下一句既時候 「對唔住媽咪!」細佬巳經跪低係地下扭住自己耳仔;其後家姐同細妹都同媽媽道歉希望媽媽唔好嬲我地,而我;就一直企係度唔出聲,直到媽媽問我我地去左邊,我就開口講「只不過係踩下單車夜少少番屋企唔洗跪啊?」

基本上媽媽一早就認定左係我帶壞家姐細佬妹,唔係我佢地都唔會咁夜番,所以只係得15-16歲既我真係睬佢都有味!就係呢個時候⋯⋯ 雞毛掃終於出場喇。雞毛掃 ?
我真驚都未驚過,男兒膝下有黃金!打死我都唔跪嫁喇,打死我啊笨。 就係因為我唔肯跪又唔肯道歉,我又要夜媽媽偷偷地食曲奇餅喇,我仲好記得細個驚媽媽發現我偷食曲奇餅,事關曲奇餅多數都要留番過時過節送俾啲三姑六婆,我會好小心咁打開個罐,罐上邊張膠紙絕對係完整無缺,食哂底個層之後整濕啲紙巾放番入去之後再痴番實條膠紙;登登登登新既一樣啊! 
(曲奇餅到呢個手又會送俾第二個,都所以唔知轉到去邊一手先會發現底個層其實係紙巾) 細個從來都無諗過如果有一日自己仔女係咁既話會點,
直到我有左自己既家庭,有一個好似我既女!佢依家都廿歲人喇,仲賴遺傳啦 

我自問自己唔係一個好兒子,唔係一個好爸爸,唔係一個好老公,怎至唔係一個好人。


係我人生既谷底我怎至走去問我媽媽借錢,三十幾歲人有自己屋企但係戶口長期都處於四位數字。養一個小朋友要三百萬,你講大話你呃人!;

有時都會諗如果當初做足安全措施我戶口就起碼有一千萬,寫到呢度,我個女突然之間話:「屌你唔係生左我你都洗哂去買煙啦,關我咩事姐!」
我扯住枝煙同佢講:
「屌班仆街加稅加到買包煙可以食餐飯喇」
「介煙啦你!又咳又剩咁」「你明既!」點解佢明?因為佢同我食緊同一包煙⋯⋯ 
哇!你點做人老豆嫁?俾個女食煙仲要同佢一齊打邊爐(煲煙)?
呢句說話我聽過無數次,當然我有叫過個女介煙啦,
不過都係果句「佢咁大個人想做咩我控制到,我都好明白食煙可以俾到我咩感覺,其實好似拍拖結婚咁,我地都對緊一樣傷害緊自己既野上癮同著迷。」
大既唔好教壞細!嗯⋯⋯其實我係佢細個時係唔可以晌佢面前食煙嫁,佢都話係中學既時候懶型試下型上左癮。戇尻! 其實佢十六歲時我已經發現佢偷偷地晌屋企樓下食煙,唔出聲唔係因為I don’t care。



而係因為我唔希望佢唔知點樣面對我。
已有 0 人追稿