我叫阿輝,平生最鐘意就係食雪糕,我對雪糕既喜愛直頭係過火。係香港食到既雪糕我幾乎都食過,當然我既收入係日常只可以食到M記果啲平民野,有閒錢先會食貴少少,唔怕同你講,港女成日食果啲幾十蚊得兩個球既一定係搵你笨,邊有可能咁撚貴丫!我用依個價錢去買盒哈根大師都無咁嬲。

  「今日已經係第七日出現兇殺案,死者同前六宗一樣,嘴入面都有一口雪糕,警方極度懷疑係同一個兇手所做,警務處處長向市民保證一定會嚴懲兇手,並警告兇手唔好再胡作非為......」電視播著新聞報導。

  「哈......抵撚死......哈......」我邊洗著生果刀上的血跡,一邊喃喃自語。

  無錯,依七個人都係我隊冧既!佢地都有一個共通點,就係唔鍾意食雪糕!我唔容許依個世上有人唔鍾意食雪糕,所以我用盡所有方法,都要令佢地愛上雪糕,我要佢地食好多好多好多好多雪糕!早幾日遮,有對情侶係M記格離,條女話想食雪糕,條仔黑晒面話雪糕係甜品中既廢物,拉住條女走,我當堂嬲撚到跌左杯菠蘿新地!最後條仔點?依家咪上緊電視囉......哈。

 
已有 0 人追稿