我要寫出一個好好好好甜既好故事: 第二十一章 想要知道什麼 就用眼睛去證實吧!
呼,岩岩好六點鐘,好彩住得算近同埋,我飛的,媽的,好貴!
我望住銀包剩餘既二十蚊,藍色,石獅子一臉威風咁望向右邊......
唉,我又諗埋哂啲無謂既野,怕且我都係因為太緊張,先至會用呢種方面分散注意力,
車水馬龍既街道人來人往,其實我都未知嗰個咩威哥係咩樣,
唔駛講,一定大大隻隻,成身肌肉,兇神惡煞,烚熟狗頭咁,
呸,我驚都未驚過,所以我就大搖大擺咁走過條街,
路上既人不斷咁望住我,我都知自己型,
但係可唔可以唔好咁明顯?
等等,身後傳來一陣殺氣,
「喂,細路。」
一把低沉而帶有磁性既聲音從我背後傳來,正當我打算轉身既時候,
我感覺到頭部受到一下重擊,隨而腦中傳來劇痛,意識漸漸變得模糊,
我隱約中聽到周圍既驚呼,但過左一陣之後,我好似比人挾左上一架黑色既轎車,
之後有人用垃圾袋,笠住我個頭,我真係頂...頂佢唔順,垃圾袋浸味真係勁臭,
邊有人老笠會用垃圾膠袋?萬一臭死左個人,就真係不如一開始就㨃冧佢算吧啦,
所以話諗出呢個方法既人一定腦容量同阿米巴變形蟲一模一樣,
不過我真係有少少頭暈,訓陣先......
(你唔訓得架,你一訓就會被佢地綁到唔知去邊到架啦!)
我腦海中突然傳來一把聲音,係一把女聲,年紀,聽落去同我差唔多,
大佬啊,我夠知,但係我除左個頭比一個臭過屎坑既膠袋笠住之外,
我仲感受到身邊有兩股力量緊緊透過我既雙手傳遞到我既身體入面,
認真左青龍,右白虎,總言之,我依家又頭痛,雙手又比兩個大力到傻既痴線佬捉住,
我好無奈,所以你比我訓一陣啦......
Because it is the only way I could escape.
終於,我落左車,過左一陣之後,膠袋拎走左,
呼,終於甩難,
其實唔係,因為我眼前坐住左一個好女性化既男人,
佢一臉濃妝,眼睛彎彎,笑得煞是好看......
等等,我要搞清楚依家我點解會喺呢到,
我黎呢到係還債,而唔係識男人......
「細路,你終於肯黎啦咩?」聲線既高亢又溫柔,
咦...?把聲仲有啲熟咁嘅?
「我啊,威哥呢,你唔係認唔出嘛?呵呵呵呵......」佢一邊講一邊用手遮住自己個口,
呸!呵三小?扮哂優雅咁,等我一陣間話冇錢還嗰陣睇你咁會唔會咁有禮貌,
「我無錢還。」哇我x,雖然我呢句說話當中包含既資訊量都唔少,
但係你地都唔駛一個個好似當年愛因斯坦同班科學家講解相對論,班科學家咁掛?
只見威哥雙眼低垂,並且露出深沉的笑容,眼睛發亮咁盯著我,
「哦...咁仲有其他方法還債既,不過呢,我驚你唔太接受到姐......」佢仲要舐舐脷,
唉,怕且我都係一嚿俎上肉,任人魚肉架啦......節操?唔好諗啦,
菊花殘,滿地傷,你的笑容已泛黃......
「咩...咩方法?」拿你睇,我已經驚到食泥咁,
我望一望錶面,依家係九點半,姐係話,我至少搭左三個鐘既車(哇咁你咪好醒),
睇怕只有好似灰姑娘咁,等到十二點先有轉機,
因為十二點,係每日既交替之時,只有等到十二點,
我先至可以有機會逃避呢個地方,特別是係今日,
睇黎,天助我也。
點解咁講,唉事至如今,睇怕我都無謂再隱瞞,
其實,我係一個時空穿梭者,喂唔係啊你地唔好走住先,
我都知都樣講好老套,但係其實,我係來自未來既人!
我獨自坐在無人的街道上,看著光線從眼前掠過,
眾人似是為著與時間角力,盡可能偷竊更多的光陰,
也是吧,自從研發出時空穿梭器,人們就可以隨意穿越時間,
但是只能回到過去,而未來,並非不可觸及,
只是現在的技術未達至那個層次而已,
但這樣也足夠世界上的大多數人為之雀躍,
不,應該說是為之發狂,
一個又一個的人回到過去,經歷最美好的時光,一遍又一遍,
直至他們學習到屬於他們的課題,才安然回到現在,心滿意足地認真活著,
「真有這麼大的功效嗎?」我問阿楠,
「其實在很久之後,也就是大約二十二世紀之前的日子,人們又何嘗不是不斷以回憶經歷著過去嗎?只是這樣的做法太愚蠢了。」阿楠擦擦鼻子,
「他們只會沈溺於回憶當中,卻意識不到回憶本身就是一種可以讓我們學習的功課,讓我們成長繼續向前走,現在他們可以直接體會到,相信也比較能夠放下了吧?」
我望著阿楠,他眼中那抹憂傷,是騙不了我的,發明這個時光穿梭器,說到底,其實也只是為了自己吧?
「怎樣,你要試試看嗎?」阿楠用手指了一下幾米遠的機器,當中迸發出陣陣光芒,以及一些煙霧,
其實我也沒有太大的興趣,不過既然這麼多人都嘗試過這個東西,而之後帶來的效果看起來也不錯,
我苦惱了一會兒,
「好吧,就那個時候吧!」說也奇怪,正當我決定好後,機器的艙門隨即緩緩關上,霧氣漸漸佈滿鏡面,
隱約看見阿楠向我揮手著,口型似乎是說著:「一路順風,記得帶手信。」
不要問我為什麼知道,因為有一陣子因職業需要學習過,
說起來,我也沒有聽說過時空轉移可以攜帶物品的,現在的科技真先進!
眼前閃過無數畫面,既熟悉又令人溫暖,
中學時期,我來了。
何其珍貴,當下的時間,笑顏,淚容。