我要寫出一個好好好好甜既好故事: 第八章 將冰山劈開
可以同阿瑩坐,我已經好開心,
所以我一直同佢講好多笑話,
嘗試氹佢笑,
點解呢?
因為你可以令一個女仔笑,
就算係笑你低能又好,
笑你無聊又好定點,
其實你地之間已經有一種關係了,
我一直以來都覺得睇落去好冷酷既人,
其實大多數既佢地都有一顆好善良同埋熱情既內心,
因為佢地要隱藏自己真實既一面,
特別是好似阿瑩呢種冰山美人,
由於自身既身份,
就不得將自已縮入去保護殼入面,
等待真心既人不辭勞苦咁去嘗試了解佢地既內心,
我可以保證,
如果抱著真誠既態度去認識睇黎去好冷酷既人,
保證你唔會後悔,
「汪瑩你知唔知道我尋日打波嗰陣篤魚蛋,你睇下我隻手指幾大隻~」
我好細聲同佢講,
不過佢冇太大反應,
過左一陣,
我發現阿瑩閃閃縮縮咁望向我呢邊,
特別係手既位置,
臉上那稍瞬即逝既微笑,
被我捕捉到了,
嘻嘻!
其實阿瑩就好似我小學一個暗戀既女同學,
份人好小學雞但係又唔肯認,
我每堂都同阿瑩講幾個我認為好好笑既笑話,
同埋一啲趣事,
而時間就好似阿瑩臉上既笑容,
在鐘聲之間飛逝,
話咁快就過左一個禮拜,
我每日除左氹阿瑩笑之外,
仲有放學之後著皮鞋打波,
同埋逃避訓導主任既追擊,
無錯,
我地學校係唔比人著皮鞋打波既,
話以學生安全為由喎,
其實我因為著皮鞋而冇得打波既心靈創傷,
絕對大過一兩次既拗柴囉,
至少嗰陣既我地係咁認為。
有一日,
由於生理周期的來到,
你冇聽錯,
男性都會有生理期,
即係每個月有幾日係特別失落同埋攰,
我一返到班房就趴左喺張枱到,
就算係阿威行過黎襲擊我嘅下體,
我都只是悶悶的「哼」了一聲,
對此並沒有太大的反應,
「咦,阿朗你今日做乜野,尋日打得太多冇力?」
阿威當著阿瑩的面問我,
我懶得回應他,
之後阿威見Miss ma入班房,
大家就自動行返埋位,
唉,
人生究竟係為咗啲乜?
我幾十年之後都會化為塵土,
就算我有幾成功,
一千年之後,
仲會唔會有冇人記得我?
咁我到底算唔算存在過喺呢個世界上?
無錯,
每一個人都一定諗過呢種問題,
思考人生既意義,
間唔中覺得人生好渺茫,
同埋自己既微不足道,
「陳天朗,你有冇事啊?」
身邊悄悄傳來輕柔既聲音,
無錯,
就是天使既聲音,
上帝啊!
我明白了,
是你派天使來拯救我於苦海中吧?
是你提醒我
「人生飄忽百年內 且須酣暢萬古情」,
我對生命的熱情那苗頭頓時燃燒起來,
回應阿瑩的問題
「無,當然無事,你睇我幾龍精虎猛?
你係咪開始掛住我既幽默呢...?不要迷戀哥,哥...」
我話都未講完,
「無事就好,你收皮啦,你啲笑話又爛又冷囉......」
阿瑩洋洋得意既表情真係好得意,
不過我都係忍唔住串佢,
「一定係咁,唔知邊個聽到我啲笑話之後陰陰嘴笑呢?
係咁架既,咩笑話咪配咩人囉。」
我大脾傳來一陣劇痛,
我心諗唔係掛,
我望住大脾,
一隻白哲既手正在用兩隻手指,
搣住我大腳既肉,
其實啲女仔係唔係痴線架,點
解佢地咁鐘意搣人地大脾?
我點解話佢地,
係有原因既,
因為我小學都有類似既經歷,
由於經常言語上得罪我暗戀既女仔,
佢就會專登簡最脆弱既位置,
用兩隻手指大大力咁搣落黎,
那是一種刻骨銘心既痛,
我亦唔清楚,
當中包含既愛多啲,
定係恨,
加上我早熟的關係,
我小學六年級就有少量腳毛了,
少而珍既腳毛自然成為暗戀對象既目標,
但係呢種手段係我同暗戀對象玩得好埋嗰陣.
佢先會咁對我,
應該稱得上係曖昧既行為,
其實我都唔太清楚,
但係依家阿瑩咁樣對我,
唔通......
「大少姐,絕對係我既錯,你放手先好唔好。」
雖然快感陪隨著痛楚而來,
可能我係一個甘心被暗戀對象虐待既人,
但係為左避免其他人發現,
我決定先叫阿瑩放手,
退一步海閣天空,
背棄了理想 誰人都可以......
阿瑩聽到之後好得戚咁慢慢放手,
眼睛閃過一絲興奮,
不得不承認,
此時此刻既汪瑩十分可愛,
可愛到我想直接抱住佢,
就算因此俾佢一直搣住都無所謂,
「邊個叫你咁話我,抵死!」
阿瑩伸出舌頭扮鬼臉,
唉,老媽子冇講錯,
原來越漂亮嘅女人真係會越危險,
不過我隱約覺得,
我同阿瑩有發展既空間。
有人話,
「打者愛也」,
所以我決定以後都要開阿瑩既玩笑,
令到佢打多啲我,
令佢每一堂都可以充滿歡笑,
但係大脾真係好痛,
休養一陣,
待會再戰。
「估唔到阿哥你有呢種嗜好,我可以幫你架......」
阿妹不懷好意咁接近我,
我下意識保護自己既大脾,
「哈哈講笑炸,我先冇咁無聊,返房先。」
阿妹睇黎心情幾好,
肯放過我,
不過阿妹講得幾啱,
真係好無聊......
我望住全班既合照,不禁會心微笑。