我本身以為經過上次之後,

阿瑩同我既關係會變得好尷尬,

但係原來我睇錯人,

其實阿瑩係一個變態既人,

經過上次襲擊小鳥一事之後,





過左兩日之後,

佢又無啦啦一野搾過黎,

「你有冇硬到?」

阿瑩用挑逗性既語氣問我,

身為男人的尊嚴點可以被人咁樣玩弄?





「你唔好搞啦......」

阿瑩好似見到心愛既玩具咁,

眼睛發光,

時不時望住我下面,

搞到我上課都冇哂心機,





只可以繼續陪阿瑩傾計,

你打下我,

我打下你咁囉。

  我地終於有班會旅行,

已經唔記得去邊到,

只係隱約記得,

喺搭旅遊巴回程既途中,

阿威突然大聲問:





「喂係呢,我地班有冇班對啊?」

首先發言的就是阿楠,

「梗係有,咪我同阿儀囉~」

我地成班人望住阿儀,

「望...望咩望,楠你唔好亂講野啦!」

阿儀塊面紅哂,

為左唔為難佢,





我地決定扮冇事發生,

「仲有冇?」

阿威神情奇怪咁望住我,

唔講我仲以為佢想he 我,

我只好轉移視線,

望向窗口,

繼續扮憂鬱。

「仲有天朗同阿瑩!」





聲音的主人係swimming pool,

突然之間成架車靜哂,

過左幾秒之後,

「Wooooooo.......」

成班人都痴左線,

我望一望阿瑩,

佢輕輕咁咬住下唇,





雙眼低垂,臉泛桃花,

笑靥美得令人心醉,

但大家都知我既絕症性格,

繼續冷冷咁望住窗口,

壓抑自己內心的激動,

「好心做男仔就主動啲啦,靚仔就可以扮憂鬱架啦咩......」

winkie似乎好唔耐煩,

一定係睇唔起我既懦弱,

我拎起耳機,

按下播放鍵,



如果再重來 會不會稍嫌狼狽~ 愛是不是 不開口才珍貴......



漸漸身邊的人見我咁樣,

只好靜靜咁坐返埋位,

一切都好似回復原狀咁,

時光倒流到一開始,

阿威到一上車就訓著左既時候,

隨著路程的縮短,

我先發現,

阿瑩的身影變得,

越來越模糊......



  原來越在乎,就越害怕知道結果,從前有人說真正愛一個女孩就會不顧一切向她表明心意,我的愛還不夠嗎?



  後來見到阿瑩手中拎住一盒朱古力,

身邊圍著一堆三姑六婆,

「快啲接受佢啦,仲諗乜野?師兄又型仔又sporty,

聽講佢仲係籃球隊隊長添!」

winkie似乎要說服阿瑩做啲乜,

我感覺到阿瑩望住我,

為咗避免尷尬,

我繼續扮若無其事,

唔知咩事我心入面有啲難受,

突然唔想理阿瑩,

我特登拎出十年都唔睇既小說,

閱讀書中艱深既文字,

「喂陳天朗,你食唔食朱古力啊......」

阿瑩既語氣好似做錯左事既小孩子咁,

嘟起個嘴,

真係我見猶憐,

都係嗰句,

性格出事,

「我唔食朱古力。」

好冷淡既語氣,

好似對待殺父仇人咁,

阿瑩之後成堂冇出過聲,

靜靜咁僕喺張枱到,

小息個陣,

瞥見阿瑩既眼睛紅腫左好多,

winkie跟住阿瑩走出班房,

並冷冷用眼角望了我一眼,

我繼續睇書,

仲以為自己對阿瑩既欲擒故縱好有效,

心裏洋洋得意。



  我不得不承認,

有朝見到阿瑩同一個高form男仔喺走廊拖住手之際,

我覺得未日終於黎了,

我頭昏腦脹,

勉強找到自己既座位,

然後坐低,

嘗試提醒自己冷靜,

但係我做唔到,

我之後連續幾日都冇再理過阿瑩,

連望都冇望過佢,

不過聽到佢同阿儀傾計傾得幾開心,

我就知道佢其實唔在乎我冇理佢。

一個月話快唔快,

話慢唔慢,

經歷左好多嘢,

亦都未經歷好多嘢,

但係轉眼間就過去了,

而終於又要調位了,

我對調位並無太大期望,

只是知道坐在我隔離的是一個不相識的女仔,

份人好靜,不過,

應該幾善良,

係我鐘意既類型,

之後發生的事情都只是小插曲,

泛起的漣漪也難以觸及我的心靈......



  「阿哥,唔好咁,係時候放低佢啦。」

阿妹似乎知道了我的情緒,

打算安慰我重新振作,

「我都想......但係點解佢要唔俾機會我,就咁走左去?」

我望住相中的汪瑩美得如畫,

彷若天仙,

「冇人想件事係咁發生架,並唔係你既錯!所以你唔駛一直怪責自己......」

阿妹說話中帶著一絲悲慟,

講完之後悄悄回到房間,

將遊戲音效調到最低,

似乎係不想打擾到我,

「點會唔係你錯,如果當初你可以勇敢啲,件事就唔會發生,阿瑩就唔會睇唔開......」

內心的聲音不斷重覆,

令我不禁回想起,

每次我問佢究竟同阿寶講乜,

佢對住我梨渦淺笑的模樣......


_____________________________________________________________________________________________________________________________________________
























首先同各位讀者講聲唔好意思,

最近要考DSE,心情有少少緊張,

所以好耐都冇更新,

趁住今日唔駛考試,就更新左先,希望大家滿意。



如果覺得苦既,

唔緊要,食粒糖就冇事架啦?~


之後會更加苦,

鐘意睇甜故既讀者我可以同你講之後既發展就係天朗最終同阿瑩喺埋一齊,

之後啪啪啪,最終結婚生仔買樓幸福家庭,

最後白頭偕老,

所以要棄故就趁早啦,

仲頂得住既讀者,建議都補下血先。





如果你問我現實中放低咗未,你問我,我點知啊?
十七歲還愛著的女孩,這輩子也不能忘記。


























  

  

已有 0 人追稿