浮生若夢 · 改寫夢境的事: 4

歡樂嘅時光特別快，唱完個k已經將近十二點，大家都呈現出力竭聲嘶過後嘅倦容。

「好啦咁我走啦」大家輪流地講，同路嘅就並排走，唔同路嘅就各自修行，而我就同晴一齊行

「我送你翻屋企啦」我大膽地提出，佢默然接受。

「你仲未話比我聽尋日夢到我做咩wor」

沉默左接近十分鐘，已經抵達佢屋企樓下





「有機會嘅話再話比你知道」 佢回頭嫣然一笑，揮一揮手道別

「嗯..」我回應

歸至家，攤係床上輾轉反則，我第一次感受失眠嘅苦楚，突然對現實投入左，對我嘅世界減低左興趣。

淩晨三點，我落床斟左杯水，對佢嘅思緒仍然未懂得停止，嘗試沉睡告別現實，但始終失敗告終。

訓著，已經係四點半嘅事。





夢嘅主人依然係阿晴，或者係我對佢思念嘅執著，令我不再係隨機進入某人嘅夢境，

然而，今次佢望住左我，係唔屬於佢嘅世界嘅我。   

走左過離拖我隻手，拉住我向住前面走，而前面係我地曾經相約去過嘅遊樂園，我亦無謂改寫佢嘅夢境。

夢既現實，但又奇幻，我同佢做左好多現實唔會做到嘅事情， 但感覺卻相當現實。

儘管，係一場無聲嘅夢，由始至終只能見到佢口噏噏，無論係笑定平時講嘅我都聽唔到。





我笑左一笑，用我嘅嘴唇堵住佢嘅嘴，反正係夢，我做乜都無所謂無影響。

反正係夢，只要取悅到我，就得啦？

「我都中意你啊其實」係把女仔聲

今次夢境唔系一片黑，而係我選擇退場。

朝早七點鐘，我醒左。