是咁的,有一日我走左去自殺,死左之後黎到呢個奇怪既世界。
係,就係咁。
係,唔知做乜鳩,但係我既記憶係咁樣同我講。
係,好難接受,我仲難接受過你。
但係,點解會咁?

印象之中,有一日我飲醉左,然後係天台到跳到落黎,大概係呢一種感覺。
之後醒返,我就黎到呢到。

一個黑色既巨型大空洞。


舉頭一望,個大空洞高到見唔到盡頭,淨係見到牆上面好高既一個地方有少少紅光。
而我身處係大空洞既中心。
四圍有D咩呢,四圍都係D奇型怪狀既生物,係D蟲呀之類既物體。
順帶一提,我都係一隻蟲。
係,好撚奇怪,我好有自信,自己以前係一個人類。
但係呢一刻既我,係一隻蟲。

鬼靈爬行者 LV1
HP:643/643
MP:642/642



力量:40  敏捷:73
防禦:29  魔力:52

呢個係我……?
總之呢D就係我既數值掛。
似乎係打機之類既RPG GAME之類既世界,我係一隻怪物。
LV1既怪物。
重點係,我係一隻蟲。
係蟲呀屌你老屎忽。


以前既我見到甲由聲都唔敢聲成身僵哂郁都唔郁到淨係望隻甲由走黎走去然後同神祈禱屌你老母甲由大人你快D走啦好嗎?
但係依家既我係一隻蟲。

我上半身類似螳螂,下半身係蜘蛛既腹部。
上半身有四隻手,不過全部都係針黎,拎唔到野,淨係可以用黎吉人。
下半身既就只係四隻普通蜘蛛腳,無咩特別。

咁既然係打機既世界,總應該有少少技能可以用?

蜘蛛毒牙:對單體造成小量物理傷害+賦予猛毒(10秒)狀態
蜘蛛鋼絲:對單體賦予5秒鐘束縛狀態

猛毒狀態:每秒持續受到最大HP的1%傷害,每秒受到的傷害不多於1000
束縛狀態:無法移動,但可以使用技能



得兩招。
OK啦。
夠做啦。

既然係咁,就打下怪先。
睇下附近有咩怪。

散走時遇到了野生的突變型奇美拉蟲。

突變型奇美拉蟲 LV62

HP:6019/6019
MP:6409/6409

力量:594  敏捷:676


防禦:647  魔力:620

好大隻既蛆蟲,然後有甲由既翼既腳,身上仲咩住蝸牛殼,個頭仲有蝸牛既觸角。
好核突……呀好想死。
好噁心既生物……
雖然我都唔係好得佢去邊,但真係……突然間覺得我自己真係好靚。

戰鬥 道具
魔物 >逃跑

痴線……唔單止好核突,戰鬥力仲咁高?
我真係打得贏咩?
講咩笑呀!
邊有GAME係新手區會放隻LV62既怪物架!
唔好咁痴線啦大佬!


雖然頭先我死左一次姐,仲要係自殺,但係我唔想死多一次呀!
On9垃圾GAME,係人玩架咩?

全速逃走!
逃走失敗!
唔夠佢快。
嘻嘻,一開波就GAME OVER。
呢個世界既GM真係鐘意玩鳩人。
邊有一隻GAME係一開波就要人死架。
拿拿,你唔好行埋黎呀!
我唔要呀!唔制呀!
我知我要死係到,但係我唔想死係你呢隻核突蟲手上呀!
仲要咁撚核突……
求下你,唔好食我!
我會死架啦,唔好食我呀!


全知全能既GM大人,請你救下我。
我唔想比佢食呀……
唔想比佢凌辱呀……嘻嘻(@*&#(!)#*)!*@$#!*_$(

睇黎我嗌破喉嚨都無人理我。
比佢逼到埋牆角。
牆?
唔係牆黎喎,係一個石像。

係一個人既石像,睇黎係一個女人黎,不過下半身係一隻蜘蛛。
咦?
唔?
石像好似係到望緊我?

[獲得新稱號:阿撒托斯的僕從]
[阿撒托斯的僕從:03吧993-920=390=200啖[492-0呎0-汎蜘蛛大人好靚女輙昭3-[奈]

意義不明,仲要係亂碼。
但係唔知點解,我好似充滿左力量!
一定係個稱號!
我有預感,我可以一擊秒殺佢!
黎啦!
喝!
係時候成為我既經濟值啦,你個垃圾蟲!
雖然好核突,但係依家既我得一招可以用。

蜘蛛毒牙!
去咬佢呀!
等等,真係要咬?
唔好啦好嗎?
求下你,PLEASE!
PLEASE!
放棄思考了,雖然要我去咬果隻蝸牛甲由蛆蟲真係……但係我真係唔想死。
寧死不屈?
唔好講笑啦,點都唔可以死。
咬就咬啦屌你老母……
唔好咁啦……唉……點解要咁對我呀阿撒托斯……唉

咬。
好JUICY呀,好多汁液呀
口爆了。

然而,佢扣左好多血。
可惡,阿撒托斯,你計算我!
要我死不但止,仲要我去咬果隻野。
唔掂當,好撚苦。
一定好多菌,好想噁……
呀,不如一槍打我。
好似比隻蟲污辱左,好似失去左一D好重要既野。
點都好啦,了結我啦。

然而,隻蟲好似比個石像嚇親,驚到走左。
而遺留落黎既,就只有一樣野。

[腹痛(5小時30分鐘)]
已有 0 人追稿