鬼靈爬行者 LV3

HP:845
MP:854

力量:68  敏捷:94
防禦:47  魔力:77

有一種微妙既感覺。
係呢到打打下怪就可以升LV。


好有打機既感覺。
呢個叫原始森林既地方,淨係出現D LV1~LV2既生物,比盡都係見到LV3。
係好易打,不過經驗真係得好少。
我黎左呢個世界已經成個禮拜。
成個禮拜先升到兩個LV。
卡住左,呢到D怪太少經我升唔到LV。

雖然話無必要去升LV,悠閒咁過生活未嘗唔係一件好事。
但之但係一場黎到呢個RPG世界,唔去冒險打怪又好似講唔過去。
於是乎我離開左個原始森林。


行下行下就去到一條村到。

好有中世紀風格既村,不過入面住既唔係人類,而係哥布林。
始終呢到都係魔界,唔係屬於人類既地方。
哥布林村,似足以前個世界中世紀時期咁,只係哥布林同D建築風格有少少格格不入。
始終呢種紅眼綠皮膚身型細幼既生物,點講都係比較傾向魔物既類型。

村口有兩個守衛,應該話係只有兩個守衛,算係一條好細既村落。

【火魔法師】哥布林-織女一 LV20



HP:1485
MP:2325

力量:184  敏捷:315
防禦:167  魔力:187

【力量的象徵】哥布林-河鼓二 LV26

HP:2597
MP:2228

力量:259  敏捷:387
防禦:248  魔力:246



唔……入唔到村。
有兩個人係到保護住條村。
我係魔物,所以佢地係唔會比我入去。
再者,我唔夠佢地打。

身為魔物既我,睇黎呢一世都唔會同到人接觸。
我無辦法入到村,無辦法同佢地相處。
因為我係一隻蟲,係一隻魔物。

我又係到諗,我係魔物,係咪應該好似魔物咁襲擊人呢?
答案係否。
我的而且確呢一刻既我係一隻魔物。
但上一世既我係人類。
我保留住人類既記憶,人類既價值觀,點可以去殺人?



生而為人,又點可以殺人呢?
絕對唔係咩大愛左膠既問題,而係呢個係人類既基本價值觀。
只要人類本身所有個體承諾唔會殺人,咁自己既生命就會得到保障。
人類要維持自己既權利,就唔可以去剝削其他人既權利,只要佢仲係一個人類。
不過,即使現在的我並非係一個人類,但只要我既思維仲係人類既思維,我就唔會殺人。

離題了。
我亦都離開左個村落,去第二到行。
頭先果條應該就係一條新手村,D新手會去原始森林到升LV打怪。
咁附近應該會有第二個地方去比D高LV D既新手升LV。
行下行下就應該搵到。

於是乎,我行到黎一座山下面。
一座普通既山。
無咩特別。


地上面有個入口……入口?
係個山洞入口。

咁……應該就係山洞入面。
姐係話個山洞就係升LV區?
好啦,行入去先。

山洞應該會係一個好好既環境去戰鬥。
起碼唔洗同D煩人識飛既雀仔打先。

係呢個時候,我做左個好蠢既決定。
係呢一刻,我係無諗過……以後再諗番轉頭,真係好白痴。
已有 0 人追稿