不過,同我預期相反既係,班狼無攻擊我。
真係好神奇,明明隻雀追左九條街都要食我,
但係班狼居然完全無視我。
講起上黎,狼係唔會應該捕食蟲,所以佢地先無攻擊我?
明明我咁大隻,應該可以做佢地既獵物啦。
狼唔食蟲,唔點同原來既世界好似。
呢個世界,實在有太多既謎團。

唔好理啦,換言之留係狼群到就安全啦。
基本上咁大群狼,應該都無咩生物會主動出手打佢地。


得啦,呢場求生遊戲已經爆左機。
SORRY,依家既我絕對安全,肚餓就食佢地既送頭送尾,完全無必要求生!
已經羸左啦。

屌!

我實在太大意啦。
係人類。
完全估唔到人類居然會黎呢到。
唔係下話,諗住同果條龍打?


傻左呀?
狼唔食蟲姐,但係佢地主動出擊打人類。
今次大獲啦。

果到有成團人,有成十幾二十人。
無論點睇都係成班人組隊係到打大型副本。
避到黎呢到都見到人類,唔撚係掛。

帶頭果個係一個大叔,無咩特別,拎住把劍咁囉。
但係,奇怪既係佢既STATUS。



【劍聖】人類-烏瑟 戰士 LV99

HP:10116
MP:8254

力量:910  敏捷:763
防禦:1160  魔力:1256

好似好勁咁。
雖然條龍仲勁。
但係,值得留意既係,【劍聖】
呢個位應該係擺稱號掛?
劍聖係咩意思?
[只有一個人能得到的稱號,授予給聯盟中劍術最強之人。將得到 使用劍為武器時力量敏捷上升、MP消耗減少的能力]


咦?稱號都有能力?
咁魔王同勇者有無咩能力?
[魔王:只有一個人能得到的稱號,詳細不明]
[勇者:只有一個人能得到的稱號,詳細不明]
多鳩謝。
但係劍聖呢個名好似邊到聽過?
哦,我記得啦,就係之前果個女仔,果個最接近勇者既女人。

當我係到諗緊野既時候,班狼群比人屠殺緊。
唔係掛,班人咁勁既……
應該唔係人勁,係狼廢姐。
搞錯呀!
係呢個時候,有隻狼比佢地打到重傷,飛到去我隔離。
我心諗,仆街,會唔會打埋我?
唔係掛。


我投降得唔得?
大佬,我無出手打你,你無理由還手架姐。
係囉,唔好打我呀!

望一望果隻重傷既狼,佢就黎死。
慘慘豬,LV差咁遠,做埋要去打班人呢?
點解怪物要襲擊人呢?
我真係唔明。
唔……
其實呢……
隻狼都就食。
而我又肚餓。
大自然係咁架啦,係唔公平架啦。
所以我就殺左果隻狼。
咦?



[等級上升至LV10]

一升升左成7LV?
咁又係,隻狼都40幾LV,比隻3LV怪殺死,應該都升得好多。
但係咁喎,如果殺左一隻狼,班狼群會唔會報仇架?
唔好理啦,反正有件更加重要既野要理。

[可以選擇進化,請選擇一項]
>鬼靈殺戮者
>銵函?撣
>銝駁?

點解系統講野成日無頭無尾架呢?
大概就係要我揀其中一條進化路線,好似係。


不過,亂碼姐係點?
會唔會變D奇怪野出黎?
咪啦咪啦。
話就話有得揀,不過實際上都係無得揀。

進囉。

咦?進左啦?
仲以為會有咩特效,但係咩都無。
連白光都無。
是但啦,反正個世界咁求其。

鬼靈殺戮者 LV10

HP:1516
MP:1520

力量:142  敏捷:162
防禦:131  魔力:141

我個身好似變左白色,大隻左,然後隻手由四支針變成了四把鎌刀。
上半身終於似番隻螳螂。
咁技能有無咩唔同?
[1.蜘蛛毒牙 2.蜘蛛鋼絲 3.螳螂之鐮]

多左一招。
[螳螂之鐮:對單體做成物理傷害]
睇黎無咩特別。

而班狼已經死哂。
唔係掛。
咁快?
我要點做?
上去同佢地打?
講笑咋?

我都係匿埋先,睇定D局勢。
咦?係龍?
突然之間,有兩條龍出現左。

地龍 LV60

HP:102851
MP:87277

力量:3219  敏捷:3184
防禦:6016  魔力:1783

角龍 LV60

HP:94523
MP:92614

力量:5114  敏捷:3208
防禦:2099  魔力:2013

哇!
雖然條隻FINAL BOSS差十萬九千里,但係呢兩隻小王都唔係講笑。
人類同怪物既力量實在差太遠。
睇STATUS,就算係最強既劍聖,力量果D都大約只係1000左右,而怪物勁少少既都已經幾千上落。

打副本果團人馬睇黎都係過唔到呢關。
果班人只係七、八十LV到,但係實在過唔到果兩隻龍。
一隻勁高防,一隻勁高攻,呢兩條龍真係好可怕。
如果D人死左會點呢?
話咁快,已經有人死左。
有人死左之後,佢地開始崩潰。
換句話講,死不能復生。
大致上佢地係想撤退。
佢地應該估唔到呢個副本咁難打。
真係可憐,不過都係抵死。
鬼叫你地無啦啦走入黎打怪咩。
悲哀。

班人走哂之後,果兩龍都開始走佬。
但係……

「你究竟係邊個?」

唔知點解,我聽得明佢句說話。
我舉頭一望,條龍飛左響我上空,然後一野跳落黎。
地震咩屌你老母想嚇我呀?

果條龍啤住我。
正確黎講,望住我既係呢個巢穴既主人,暴風龍唔知乜春。
嚇到我個心離一離,然後……
真係好得人驚呀屌!
屌!
屌呀!
已有 0 人追稿