首先,要係呢層到HEA下先。
探熟下環境,點都對我有利。
而且,對於我黎講,直接以一敵三打BOSS,根本係無可能。
所以,我都係係到HEA下先啦。

技能進化。
頭先打低左果隻黃金盔甲之後,我可以強化一樣技能。
揀邊樣好?
好問題。
呢個開題值得深究。



蜘蛛鋼絲?可以綁住人,呢個係我最大既武器。如果強化左既話,真係唔錯!
蜘蛛毒牙?猛毒係幾勁,不過實戰上比較難用,如果強化,應該都唔錯。
螳螂之鐮,我主要既攻擊技能,強化左應該好勁,一定會大幅度提升我既戰鬥能力。
毒素激發,唔太實用,依家1000血其實都唔係扣到好多,我用螳螂之鐮都已經斬到600血左右,無咩必要發咁多MP用呢招。
蠍子毒尾⋯⋯神一樣既設計,根本就用唔到。唔係喎,強化左可能會勁。

其實我依家當係打少一招技能,不如索性強化螳螂之鐮好過啦。
但係,我鐘意搏。
雖則話揀螳螂之鐮係最穩陣,好似係。


但係,我偏偏強化蠍子毒尾,吹咩?
好,就咁決定。

[蠍子毒尾:對單體造成大量物理傷害,然後賦予對手5秒猛毒狀態,若然本身已陷入毒狀態,使其毒傷害變為原本的兩倍]

[蠍子毒尾已經轉換為蠍尾射擊]

[蠍尾射擊:對一個目標進行射擊,造成中型魔法傷害,然後賦予對手5秒毒狀態,若然本身已陷入毒狀態,使其毒傷害變為原本的兩倍]

呀!


係喎!點解我唔用情報掌握查左會變成點先?
算啦,由佢啦,都慣左。
睇黎我要養成多用情報掌握既習慣。

睇番技能,由近距離攻擊變遠距離攻擊,由物攻變魔攻,由猛毒變普通毒,好似仲弱左。
唉,搞乜?
算啦。

怪物?!
哇屌!咩怪物黎,癡線架,邊個設計架,核突到咁⋯⋯

佢係一隻蛆蟲,但係就生左甲由既翅膀同埋腳。
最大問題係,佢背脊上面咩住個蝸牛殼,夾硬分開左甲由果兩片翼。
然後,頭部,蛆蟲個頭上面居然生左蝸牛既觸角出黎。



痴線,好核突呀,咩怪黎架?

突變型奇美拉蟲 LV62

HP:6019
MP:6409

力量:594  敏捷:676
防禦:647  魔力:620

奇美拉蟲?姐係話,我突變左之後變成佢咁既樣?
媽呀,唔制呀!
我開始對進化有D恐懼⋯⋯
我真係打死都唔要變成咁呀!



死開呀!
佢撲左上黎!
我發自本能避開左佢,然後用蜘蛛毒牙⋯⋯
真係要咬落佢到?唔好咁啦⋯⋯
當我猶豫既時候,佢再次撲過黎⋯⋯佢咬我⋯⋯我比佢污辱左⋯⋯
好惡頂呀⋯⋯

我最後都係屈服,用蜘蛛毒牙咬左佢一啖,然後即刻拉開距離。

好苦⋯⋯

佢張開對翼,撲過黎!
數值上,我不如佢,但係我有既係戰術!
蜘蛛鋼絲!一下包住左佢。



蠍尾射擊!
比想像中好用,MP消耗唔係好高,但係傷害唔錯,最重要係強化毒狀態。
由每秒扣60血變成扣120血,加埋兩招本身既物理、魔法傷害,一共大約可以造成2000血既傷害。
加埋毒素激發係3000血!
只要我用毒牙咬中一口,之後再拉開距離既話,就可以輕鬆扣到佢大量HP。

比想像中簡單,好快就殺死左佢。
蜘蛛鋼絲係好有效既封鎖行動手機段,然後上面招連技可以一次扣到大量HP。
依家既我,根本就無撚敵!

嘿嘿⋯⋯
等多我一陣,BOSS三人組。
我好快就過黎清算你地!
打BOSS之前,有D肚餓添。
唔,開餐啦!


我⋯⋯

屌你老母咩⋯⋯屌你⋯⋯
[腹痛(5日)]
已有 0 人追稿