無頭騎士,故名思義,係右手拎劍,左手拎住自己個頭,騎住馬既怪物。
第6層本來係由三隻無頭騎士掌管,但係因為第7層既BOSS,火龍發嬲,將成個第6層拆左,所以三個騎士都跌左落第7層到。
有一隻仲死左添。
既然係咁……
既然呢個世界存在無頭騎士……
咁既話……
呢個世界會唔會有無丁騎士?
右手執劍,左手托柒,霸氣盡現!
WAKAKAKAKAKAKA!!!
&%#!@*&#︿@!*($



頂!依家唔係9UP既時候囉!
就算個GAG再爛都好,都無可能吹得熄火龍D火囉!
冷靜D,一定有方法打得贏既!
冷靜唔到囉!屁股著左火點冷靜呀!
好熱呀!

我匿埋左係一角,然後望住隻火龍發癲四圍攻擊。
佢都係想搵我姐,使唔使咁發咁大老脾周圍噴火炸人呀!
整理下情況先。


火龍發緊癲,周圍炸人。
無頭騎士三人組死左一個。
土元素未黎。
其他怪物WFC。

走番上上一層?
唔得……第7層已經比佢拆左,要上番第6層要爬牆上去,但係爬爬下一定會火龍打。
所以,我依家要做既野只有一樣。
擊殺火龍。
太難啦掛,佢血量係我150倍……


睇番佢數值先。

火龍-撒哈拉 LV60

HP:93428
MP:142082

力量:5019  敏捷:4419
防禦:3421  魔力:4810

技能呢?
[烈焰吐息:對前方複數敵人造成大量火焰傷害,然後賦予燃燒狀態]
[龍焰吐息:對前方單體敵人造成極大量火焰傷害,然後賦予燃燒狀態]
[飛龍利爪:向前揮爪,對前方所有敵人造成中型物理傷害]
[烈焰飛彈:發射十數枚飛彈,隨機攻擊敵人。每發飛彈造成小型火焰傷害,然後賦予燃燒狀態]


[龍尾突擊:旋轉尾巴,向周圍敵人造成中型物理傷害,然後使其彈開]
……
夠啦,唔想睇。

被動技能?
[龍之逆麟:受到的魔法傷害無效,物理傷害減半,30%血以下全STATUS上升。]
[火焰加護:受到的火焰傷害減半,自身造成的火焰傷害上升]

哇……技能仲變態……
好。
單刷火龍,其實唔難。
好似係……

痴線咩?!
點打呀!


第6層同第7層既BOSS根本就係天同地既分別!

「搵到你啦。」

呀……
火龍張開口,噴火……
避開呀!睇住呀!
嗚……

「火龍,你知唔知自己做緊咩?」
突然之間,其中一個無頭騎士走左出黎,指責火龍。
救星呀!
然後,比火龍噴個火,就蒸發左。
……
走呀!



無天理呀!
會唔會太勁呀?
我終於明白到暴風龍個島果到,果班人係咩心情。
佢地仲要一次過同兩條龍打,真係可憐。
我好彩D,一條龍姐。
好你個頭呀!
冷靜D!
其實火龍都唔係好勁姐!
暴風龍巢穴個BOSS,魔王城下面條龍仲勁啦!
無錯,呢條龍,係龍入面其實唔勁!
不過,佢點都係龍呀!
我地一般生物對佢係無勝算……

好辛苦,先係火龍面前走甩。


不過,走去邊,都仲留係第7層區域,根本就無可能真正係佢手上走得甩。
唯一方法係打低佢,或者入去第8層。
唔得,根據情報掌握,第8層入口係火龍果邊既方向。
姐係話,屠龍係我唯一選擇!
太難啦。
真係唔得。
做唔到。

「痴Q左線咩……」
最尾一個無頭騎士原來係我後面,望住條龍發癲。
佢抆把劍出黎,望住我:「殺左佢啦。」
鬼唔知咩,點殺呀!唔理係我定係你,都只會比佢一個火球秒殺。

係呢個時候,救星出現啦。
土元素大人!
然而,土元素都係無撚用架啦,最多咪可以食多下火球先死。
大地魔像你唔好咁孤寒,派哂所有兵力黎打龍啦……
算……三打一,有勝算。
有個鬼!

火龍發現左我地,走過黎,咦?
唔係攻擊?
佢望住土元素,然後又開口:
「咪阻住我,你班大地既廢物!」
哂鳩氣啦,據我呢個月既觀察,無名既生物係無智慧架MR火龍。

龍發癲,一個尾巴車過黎,撞開左土元素!
佢又開口,係火焰……
無頭騎士去到佢身後,用劍斬佢。
都係哂鳩氣,咁低攻,有用咩?

「你邊位?」火龍問。
「……」
無頭騎士懶得答佢,後然繼續攻擊。
「死開!」

呢個時候,我用蜘蛛鋼絲,包住左佢隻眼。
然後!上啦!必殺奧義!蜘蛛毒牙+蠍尾射擊!

成功?
[猛毒]
[毒素強化]

每秒……每秒扣到1869血?
哇……好……好犀利……

[一擊造成超過1000點傷害,獲得稱號【力量的象徵】]
[【力量的象徵】:自身力量上升]

有稱號?
唔好理住!掛左先!然後,繼續走佬!

火龍離開左束縛,然後繼續攻過黎!
哼!
走人!
速度上我不如佢,但係我身型細,方便走入細路。
而佢,就……就一個火球將細路變大路。
哇……你真係拆樓咩……
就黎第7層都比你拆埋。

不過,我已經,我已經見到勝利既方法啦。
毒牙+蠍尾既組合可以扣到20000血,而佢只不過係有90000血。
黎啦!火龍,呢到係你葬身之地!
已有 0 人追稿