冷靜少少。
為左唔比佢地發現我既真正身份,我匿埋左去一舊石後面。
佢地依家應該係搵緊我……咦?人呢?
唔係掛……居然唔記得左我,走左?
其實自己一個更開心,洗鬼你講。
原來我消失左都無所謂,搞錯呀……

悲哀。
真係悲哀。
再一次為自己無存在感而悲哀。


算啦……走啦……
離開呢片傷心之地。

係呢個時候,某煩膠又出現左。
「小蛛蛛,你點呀?」
好,無視佢。
「喂,做乜成日唔理人姐?」
果個所謂既神,好似係,就咁天降左落黎。

「有咩唔開心呀,講出黎比天照我笑下啦。」


行啦,繼續行啦,唔好理佢。
「雖然你唔講我都知啦,你地個世界有句說話好似叫人在做,天在看,哈哈哈。」
哦。繼續行。
「好啦好啦,唔好唔理人啦,你係咪煩緊MP唔夠洗呀?」
我另番轉頭,望住佢。
「我有個方法可以令你有多D MP用喎。」
「咩方法?」
「哇!小蛛蛛居然開口講野同我講野,好感動呀!」
我望住佢。
「好簡單架姐,你升多高D LV咪得囉!」



我發覺對佢仲有希望,仲理佢9UP既我真係好蠢。
都係無視佢算啦。
「喂呀!講下野啦!聖光鎖鏈!」
仆佢個街,開技能束縛住我,係咪做到咁都要我聽佢廢UP呀?
「好啦,好啦,唔玩啦!拿,咁啦,作為天神大人既我,可以滿足你既願望,只要你肯求我既話,我就幫你啦!」
我拒絕,寧死不屈。
「呀呀呀……SORRY囉……好啦好啦,唉,怕左你啦,我SET左啦,你既幻像魔法MP消耗半減啦,滿意未?」
肯一早咁做咪好囉,哼。
不過,依家既我,MP都無哂咁濟,就算半減都無用。

「唉,怕左你啦!麻鬼煩!做人咁鬼貪心架!」
[等級上升至LV81]

【魔物殺手】 蛛女 LV81



HP:21643/21643
MP:22095/22095

力量:2065  敏捷:2633
防禦:2039  魔力:2772

[獲得被動技能:魔法昇華]
[魔法昇華:提高MP自然回復的速度]

咁就乖啦。
「如果唔係我無聊無野做我先唔會落黎幫你!最衰都係果兩個衰神,一個認真到爆,一個就日日係到蛇王,搞到我咁鬼悶~神真係唔易做呀!」
哦,NONE OF MY BUSSINESS
「唉,最後比個忠告你啦,應該係神諭,嘻嘻!呢個世界,所有自稱為王既人,都係信唔過。」
咩意思?


天照懶係野咁消失左。
呀!漏左添!應該屈佢,要佢比D多用D既技能我!
蠢左……可惡!

算啦,唔好理啦,佢地一定好擔心我啦!
追上去先。
算啦,佢地一定唔知道我唔見左。
慘……
真係慘……

我跑左好耐,都係唔叫佢地。
搞咩?
以我既速度,一定好快就追得上佢地。
但係,一直都唔見佢地既蹤影。
唔係比怪物襲擊,死左下話?


唔會掛?
情報掌握!佢地係邊?
[直行轉右]

直行轉右……姐係點?
跟住佢行先。
咦?
呢到係……
唔舒服既感覺。
呢到係咩回事,明明只係見到一堆平平無奇既樹木,但係有種好唔舒服既感覺。
情報掌握。
[這裡佈置了幻像魔法的結界,令其他人以為這是森林的一部份]
呀?
[進入結界需要密碼]
密碼?


[密碼為大聲說出……]
說出?
[說出天照好靚女]

呀呀呀!
好煩呀你!
神係咪大哂呀!
係咪連情報掌握都干預到呀?
定係呢個結界係你整架?
想點呀你?

「怕左你啦~唔係我整架,不過你既情報掌握頭先係比我修改左!」
佢把死人聲直接傳入我個腦入面。
去死啦你!
「煩煩煩,我真係咁煩咩?哼!」
然後,我眼前既幻像比天照解開左。

呢到係……
係一座城塞?
已有 0 人追稿