睇黎係傳送用既道具。
巫妖將我同埋徒弟三人組傳送左去一個山洞入面。
傳送有意義嗎?用空間魔法可以輕鬆出番去。
但係,無呢個必要。
睇下佢搞緊乜都好。

徒弟三人組,一個中左虛弱毒,一個就重傷,就番大徒弟電影可以一戰。
渣ga
咁快就輸鬼哂。



「你係……蜘蛛女王?」電影問。
「嗯。」
「蜘蛛女王?RANK S,神話級既魔物?」
「嗯?」
「係……師父既朋友?」
「嗯……」
「不概係師父,居然連神話級既魔物都可以招為同伴。」
「神話級?」
「係呀。我地王國幫哂D魔物為哂等級,SABCDE,S就係最高級,係神話級既魔物,去到神話級既魔物,可以輕易將我地成個國家,成個文明破壞。」
好似好犀利咁。


不過,我係神,已經唔係咩神話級魔物。

「而好似之前既迅猛龍就係RANK C既怪物,所謂既RANK C對我地人種黎講已經係非常之可怕既魔物,就算係我地呢D水準既冒險者,都未必打得贏。」
咩未必打得贏,你地係輸哂囉,OK?
你地係輸左呀!接受現實啦!
巫妖出黎之前你地已經輸左啦!

「然後呀……前面呢隻巨型蜘蛛,就係RANK B既幻獸級魔物,就算師父都未必有十成既把握打得贏。」

【人類的惡夢】 巨型蜘蛛 LV64



HP:13544
MP:10384

力量:1468  敏捷:1345
防禦:642  魔力:1365

哇。
好大隻蜘蛛。
大隻到,佢個頭已經有我蜘蛛女王型態既腹部咁大。

呀,卡住啦。
佢太大隻,腹部比山洞卡左住,行唔到過黎……
想點呀……



「魔法光束」
電影發動技能,魔杖上面射左條光束出黎打落隻大蜘蛛到。
仲因為魔枚既關係,發動埋魔法飛彈添。
大蜘蛛郁唔到,硬食。

搞咩笑呀……
隻大蜘蛛究竟想點?

呀!
係蜘蛛鋼絲?
大蜘蛛個口到噴左蜘蛛絲出黎,包住左我地幾個。
好核突囉蜘蛛絲。

「然後,我想問下你,巫妖同埋死靈法師,呢個種族同職業你有無聽過?」電影問。
「無喎。」



誒~點解你咁冷靜既?
之前唔係話咩連你師父都打唔贏架咩?
但係依家仲咁得閒問我問題。
係因為見到佢咁蠢卡住左所以就得意忘形?

話口未完。
大蜘蛛唔知開左咩技能,將蜘蛛絲連同電影扯左去佢個口到。
好廢。
究竟邊個蠢D呀呀呀。

算數。

黑暗飛彈攻擊大蜘蛛。
大蜘蛛鬆開口,放開左電影。


人型態應該打唔贏佢。
所以,轉做蜘蛛女王型態。

暗影長槍。
好高攻。
一槍就爆左佢頭。
久違既秒殺人既快感。
我變成神之前已經係神話級既魔物。
不過,都係第一次覺得自己好勁。

迅猛龍軍團都黎LU。
電影……幫唔到手架啦。
佢退後,唔敢亂攻擊。

唉。


係時候玩下蜘蛛無雙。
已有 0 人追稿