有打過英雄聯盟既朋友都會知道,呢首音樂係非常澎湃緊湊。

而且通常都會係打排位積分賽出聽見,每次一聽到呢首耳熟能詳既音樂,整個人既心情都會緊張起來,甚至好似我咁冷靜既男仔,打鑽石升階戰聽到呢首音樂都會肉緊得手心出汗。

難怪呢個女仔會緊張到唔應門。

之後,我出於好奇心底下,就決定行埋去望下佢到底係度玩緊咩。

我企係個女仔房門口,露出半個身位,默默咁偷望住佢既一舉一動,我不得不承認,自己呢一刻真係成個痴漢咁樣。



當我集中注意力一望,因為佢電腦屏幕非常大,所以終於見到佢係度揀咩英。

原來,佢係最後一個揀英雄既人。

大家唔好唔記得,我除左係食女高手,我仲係一個打機高手。

作為一個對英雄聯盟有多少知識既人,只要見到雙方揀左啲咩英,基本上九成都預計到每一隻英雄既位置係邊度。

而呢個女仔作為Last pick,明顯只係剩低一條中路比佢揀。



呢個時候我就將視線望到另一邊,發覺佢既對手早已揀左犽宿,而個女仔準備……

嗖——

我驟眼一望,個女仔竟然揀九尾狐狸阿璃!

呢一刻我心諗,傻的嗎?就算普通既玩家都會知道犽宿既風牆一下就擋哂狐狸既指向技,last pick仲揀呢隻既女仔簡直自尋死路。

望住個女仔一邊緊張地咬手指,一邊將雙長腿棟係電腦椅上面,等待遊戲既開始。



而我一眼就睇穿呢個女仔,肯定係傳說中既一個noob黎。

「揀李星啦。」我衝口而出講左自己既main出黎。

『李星…』少女發了呆般看著電腦:『李星都唔勁……』

「……」

『咦!?』少女立即轉頭察覺到我的存在,大驚道:『呀!你…你做咩仲係度架!?』

「啊…」我當時百口莫辨,只能坦白說:「其實我都有玩呢隻Game既…我見你好似唔係幾識咁……」

當我諗住出於好心解釋時,豈料佢竟然一臉怒容。

『咩唔識呀~!』少女佯怒道:『我…我只係有啲緊張之嘛!』



「緊張?」我露出自信的表情:「你係咪打緊rank?」

『關…』少女忽然怕醜起來,臉上泛起兩片紅暈:『關你咩事!你快啲走啊!如果唔係我報警架!』

大獲,呢個時候如果我就咁就走既話,就算佢唔報警都會搵經理投訴我…!

到時我分分鐘連份工都無埋!若果被人炒魷魚既話…以我咁低學歷,又無工作經驗,連呢份超市工都做唔好既話…真係唔駛旨意再搵到另一份!

於是,我決定作出一個大膽既舉動。

「你…你冷靜少少…我無惡意架…」我尷尬地笑著解釋:「其實我只係諗住幫下你…幫下你咁姐…」

『幫我~?』少女高傲地鄙視著我:『我洗咩你幫呀~!你快啲走啊!一陣我輸左唯你是問!』



「你咁緊張…係咪升緊鑽石?」


我大膽地假設,因為據我第一次有咁緊張既經驗既時候,都係由白金升上鑽石時先會出現。

『鑽石…我…暫時未升到……』少女低頭地喃喃自語後,抬頭說道:『不過!我升返上銀…升返上銀牌就好快升到上去架啦!』

「升返上………銀?」

『係…』少女紅著臉,視線拋向別處。







「即係你係銅牌!?」係呢一刻,我終於忍唔住大笑起來:「哈哈哈哈!!」

『你你你…笑咩呀!』少女黛眉緊皺著:『我係比朋友雷左落去之嘛!你再笑…!我一定投訴你!』

「okokok,我唔笑囉,」我籍機故意看著她身後的電腦屏幕:「你再唔買裝出去,好快比人report架喇。」

『買裝?』少女回望螢光幕,立即手執滑鼠:『Oh!Shit!』

「咁你加油喇。」我準備轉身離去。

『你!』少女用娃娃音喝停:『你同我企係度!』

「下…?」我回頭一望:「咩事?」

少女緩緩從桃紅色的電腦椅上站起來:『一日都係你,害到我輸左兩波兵!』



「咁…又點?」

『哼,你而家要幫我羸返…我就唔再追究…』少女目露稚嫩的兇光:『如果唔係我就投訴你!再報警話你擅闖民居!』

「…………」


望住電腦螢光幕右上角既計時器一分一秒地過去,

呢一刻既我,終於要…

大顯身手。 
已有 0 人追稿