『天哥哥…不要這樣了啦…』

「………」我激動既心情仍未平伏下來。

『要不……』璇璇建議道:『你試試在遊戲找她…看看她什麼反應?』

「係GAME搵佢…」我稍稍定神,回望螢光幕:「好…我試試…」


雖然詩娜表面上搵第二個男仔陪佢玩,感覺上已經放棄左我咁…



但向好果一方面諗,亦都有可能係想激我,先至會搵第二個男仔陪佢姐?

一定係…!一定係咁!

我知道詩娜對我都有愛既存在,無理由咁小既一件事就令佢咁快放棄我…!

可能詩娜今日真係好唔開心…搵唔到我陪佢…先至會搵第二個陪佢架姐!

一定係咁!




可能大家會覺得我好自欺欺人…但…

如果我唔咁諗既話,相信我一定會無勇氣再搵返詩娜。


於是,我就係Game入面準備密詩娜…

[hi…](22:37)



……

坐係我身旁既璇璇都專心地陪我等待著詩娜既回覆,但…

可惜,過左十分鐘後仍未有回音。


「佢…應該唔會再理我…」我意志消沈地說。

『笨蛋!』璇璇嬌嗔道:『你跟別人對線會打字聊天嗎?』

「……都會架…」

『哼!那只是你自己好不好~!』璇璇嘟起臉珠:『她一定是太專注才會看不到的啦…』



「真係咩…」

『一向樂觀的天哥哥到哪裡去了?』

「………」


如是者,我同璇璇百無聊賴地坐係電腦螢光幕前等待…

果然,當詩娜既ID一轉綠色時,我終於收到佢既回覆。


詩娜:[???](22:50)




當我見到佢終於肯回覆,我心底不禁釋懷起來,彷彿找回做人既意義一樣。

我左思右想…諗左千萬個開場白,始終都係覺得道歉先會比較好。


[對唔住呀…仲嬲緊?](22:51)

詩娜:[NO.](22:51)

呢一句係幾咁冷淡…



[不如…我陪你玩好冇?你聽日放假,我可以陪到你天光呀…](22:52)



詩娜:[No need. Why dont you stay with your friend, huh?](22:52)


當我見到呢句之後,便尷尬地望左璇璇一眼。


[我已經無搵佢啦…我岩岩無體諒你…咁我唔知你今日過得咁唔開心嘛…原諒我好冇…?](22:52)

詩娜:[Your friend is more important than me ma? Isn't it?](22:53)

[唔係呀…!你信我啦!我已經無搵佢喇…我知道你先係對我最重要…!](22:54)

詩娜:[So? I also have my pal, Why should I play with you?](22:55)



[果班咩人黎架…?係咪你香港啲朋友?我可以一齊打呀…!](22:55)

詩娜:[none of your business.](22:56)


其實我英文唔係咁好,詩娜都知道呢一點,所以每次佢嬲果時…

都會打英文去同我溝通…而每次…都必定會出現一句none of your business…

呢一句詩娜既口頭禪,就好似無時無刻都話比我知…

我同佢既關係一樣…

我根本…無權去管佢。


[……詩娜呀…!](22:57)

詩娜:[ng chat la~ we have to start a new game~88](22:57)

[……你點先肯原諒我呀…!](22:58)


正當我以為詩娜會唔理我既說話之際……


詩娜:[answer me a question.](22:58)

[………咩問題…?](22:58)




我問完詩娜係咩問題後,我個心就不斷係度加速跳動…愈來愈緊張。

明明我無做過啲咩殺人放火既事,更無背叛詩娜…

但唔知點解,一被詩娜問:「答我一個問題。」時,我額角都開始緊張得冒汗。

苦等左兩分鐘後……


詩娜終於開口。



[Where are you right now.](23:00)



呢一句,就好似一道雷擊,狠狠地由頭打到我身上,通過我全身既細胞…

我整個人目瞪口呆地望住個螢幕,張開口卻一聲都不能發出。


點解…

到底點解…

點解詩娜會搵我呢個問題…

但事到如今,我別無他法。


[咩啊…我咪係屋企囉?唔係屋企點online搵你喎?!](23:01)

詩娜:[Really?](23:01)

[梗係真!我呃你做咩!](23:01)

詩娜:[call my skype now.](23:02)

[………]


呢一刻既我,就好似一個滿血既主堡,被2.5攻速既齊裝adc不斷攻擊一樣。

無論主堡點樣派兵出擊,都會被對方不斷秒殺。

虛假既謊言…係純真既詩娜面前…簡直就好似一隻兵仔一樣咁脆弱。


詩娜:[This is your last chance.]


豈料到佢竟然補上呢一句,令到我陷於進退兩難既局面…!

同時間,我身邊既璇璇一直都有留意我倆之間既對話。

呢個時候既我,內心慌張地向璇璇尋求一線希望…璇璇見到我望住佢…亦都心領神會,

默不作聲地點點頭,示意我出去搵個靜啲既地方打畀詩娜。


「璇璇…」我開聲道:「咁你等等我…!我好快返…!」

『天哥哥…要加油把她追回來,知道嗎!』璇璇甜笑著:『那我在這等你喔。』

我感動得熱淚盈眶:「嗯…!」


我二話不說,立即拎出電話,跑到大廈後樓梯比人食煙既地方。

穿過幾名坐係度既mk仔落幾層後,便去到一處昏暗無光既樓梯轉角位。

呢度雖然氣氛幾恐怖,但勝在周圍都無人嘈到我,只有幾盞街燈映照著。


我即時拎出電話,打開skype,按下果個熟悉既聯絡人…然後撥出。


嘟—嘟嘟——


『喂?』

「喂喂!」我緊張地道:「詩娜…?」

『嗯嗯。』詩娜冷淡的說:『做咩咁遲先打比我?』

「咩啊…好遲咩?」

『哼,係呀,』詩娜的聲音從聽筒中傳來:『足足過左十分鐘喇!』

「哦…」


我立即想了個籍口:「我頭先搵個電話嘛…你知我電話平時放係廳叉電…」

『哦,』詩娜語氣一轉:『咁…你可唔可以親口答多次我果個問題?』

「咩…咩問題…」

『你…』詩娜遲疑地說:『而家係邊?』

「屋企嘛!咪同你講左囉…」

『哦…係呀…』

「都話係咯!」我激動地說:「詩娜…!我知錯喇…你可唔可以原諒我?」

『任天衡……』詩娜的聲線忽然變得沙啞。

「做咩…?」我開始擔憂起來:「係咪返學唔開心呀?你同我講…我一定會聽架…!」

『唔係呢樣…』詩娜哽咽著說:『我…唔知點解…好驚……』

「好驚…?」我聽得一頭霧水:「驚咩…?」


『任天衡……』

「咩…」

『到底…』詩娜深呼吸地說:『你仲係咪我認識果個任天衡…?』

「咩呀…傻婆…你係咪唔舒服?」

『唔知點解…我覺得你好陌生呀……』詩娜哭著嗚咽:『我好驚…你唔係我識果個任天衡…』


「我唔明…」我續道:「係咪發生左啲咩事?定抑或有人講我壞話?」

『唔關其他人事…』詩娜頓了頓:『我頭先…咪話比多次最後機會你既…?』


「嗯,係呀,」我故作冷靜地說:「我咪坦白左囉。」

『我話比多次機會你…』

「……?」



詩娜痛哭著說:『係想你會同我承認…你講左大話呃我呀…!』

「我…!」

『點解…你仲要呃住我…?』

「你聽我解釋呀!詩娜!」我內心彷彿沒了底一樣空洞:「我只係想趕住見你!先會去左網吧再online搵你咋!」

『咁點解…點解你唔直接同我講……?』

「我怕你亂諗野嘛!我唔想你擔心咋!」



『咁你朋友呢?』


「………」

『你果位"朋友"…係咪係你身邊…?』

「詩娜你…點知…」

『你答左我先…係…定唔係…?』

事到如今,我只能就範…


「係…但你聽我——!」

『果個係男仔…定係女仔…?』詩娜一句打斷。

「…………」

『任天衡…你知嘛…』

「……」

『你係我第一個真心信任既人…亦係第一個傷我心既人…』

「詩娜!!!唔好…!詩娜!!!」

『多謝以前果個任天衡比左一段咁美好既回憶我…』

「詩娜!!對唔住…!對唔住呀!!我知錯喇…!」


『其實…』詩娜沒有理會,邊哭邊說:『我都好鍾意果個任天衡…可惜佢已經唔存在喇…』


「唔係啊!!我仲係度架!!」

『拜拜……』

『詩娜!!!!』


[嘟———————]


[啪嘞——]


我失去了支撐身體的力量,整個人失去重心的呆跪在地上…

連手中的電話,亦隨著被掛線的一剎掉到地面。

係短短既一日內…我講左無數個大話去欺騙詩娜…


詩娜卻一次又一次咁比機會我去改過…去承認自己有咩錯…甚至想去原諒我…

而我卻…將詩娜既心傷到體無完膚,…詩娜甚至對我有一種陌生既感覺…



信任;就好似一張紙一樣,皺左…就永遠都有道痕跡,即使你再怎撫平…也不可能變回原樣。



明明早上…我同詩娜仲好地地,究竟…點解…會搞成咁…
已有 0 人追稿