【苦】《英雄聯盟》 - 一件次世代既愛情工具: 《怒火》
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
『生日快樂～～～～』房內傳來熱鬧嘈吵的聲音。
為璇璇慶祝生日既呢間廂房並唔係十分大，只係有兩排梳化同幾張檯，牆上仲有一部電視比大家唱K用。
逸朗熱情地拎住杯酒搭住我膊頭，入到房後驟眼望埋去，竟然有唔少人坐左係度。
數數人頭，除左璇璇兩姊妹之外，仲有大約五個男仔同三個女仔在場，加埋我同逸朗一間房就迫滿左十二人係度。
雖然其他全部都係陌生既面孔，但睇逸朗同璇璇從容不迫既心情，就知道佢地都係認識既人。
此刻我不禁心想；仲好，反正都要攤牌，愈多人知…愈好。
「嗨…」我同逸朗入房後走近背對著我的璇璇：「生日快樂呀，璇璇。」
『嗯～～？』璇璇臉頰通紅地回望著我：『天哥哥～！』
「呃…」
語畢，璇璇便熱情地飛撲到我身上。
『怎麼那麼晚哩～？』璇璇攬住我後，係我胸膛上蹭著臉：『人家好想你呀～！』
「你……」被眾人視線集中後，我頓時不知所措，便向逸朗問道：「喂…逸朗…」
『咩事啊…？』逸朗邊飲酒邊問。
「呢度咁多人……」我尷尬地環顧四周：「全部都係你朋友黎架…？」
『朋友…？』逸朗隨手把一名少女擁入懷中，含情地對望著說：『係啊…點止朋友呀…仲係好好好好既朋友添……』
「即係…」我想了想後道：「你岩岩識既…？」
『嗯…係啊！』逸朗色迷迷地看著懷內的女生：『不過就好似識左好耐咁囉…？』
弊，忽然間我有種唔好既預感。
「璇璇…喂…璇璇！」我把半醉的璇璇扶正個身：「果啲男仔係咪你岩岩識返黎既？」
『唔…？什麼男生啦……』璇璇柔著眼：『他們是工作室的其他菁英啦…』
唉，原來係咁。
本來我以為在場既人都係逸朗既朋友，但估唔到原來全部都係璇璇身邊相識既人。
若果係咁既話…我係度踢爆逸朗根本無意義，因為根本都唔會有人在乎逸朗係個咩人。
而且……
我望住身邊半醉既璇璇同逸朗，我諗如果繼續留係度都唔會有咩結果。
甚至到最後我亦可能因為唔好意思開口而忘記左件事。
『哎～！』忽然，璇璇身後有一名身穿黑色短裙的女子走近：『小璇你別靠在人家身上了啦，快吹蠟燭唄！』
呢個女仔身材比璇璇要高挑得多，而且仲凹凸有緻，但樣貌卻係同璇璇有幾分相近；
唔需要問都知道，呢個一定係璇璇既家姐。
『你是小天吧？我叫Ivy，我妹麻煩了你不好意思，』Ivy扶著璇璇有禮地微笑開口道：『她平常不是這樣的…』
「沒……」我嘗試用不擅長的國語道：「沒關西…」
『嗯…？』璇璇慢慢地張開雙眼：『怎麼了啦…？』
『你看看你…』Ivy像大姐姐的訓示道：『還真不像話呢！快吹蠟燭吧，大家都等著呢！』
『喔…！』璇璇驚醒過來：『對捏吼～！』
語畢，璇璇便拿起檯上面既蛋糕，然後輕閉雙眼，準備許願。
此時身邊既逸朗都停下動作，電視亦播著生日歌，眾人都安靜的把注意力看著壽星女身上。
『呼～～～』璇璇張開眼睛，用力的把蠟燭吹熄後便道：『嘻～我的禮物呢～？』
『給。』Ivy拿出一個黑色紙袋：『長了一歲，記得別再淘氣了，知道嗎？』
『嘻嘻～！謝謝姐～』璇璇接過禮物後，回望我和逸朗說：『那我最親愛的兩位哥哥呢～？』
『哈哈。』逸朗胸有成竹地笑了笑：『份禮物我一早就準備好左啦！』
我不禁橫了逸朗一眼，卻發覺佢手上根本咩都無。
此時逸朗把我推前了一下，說道：『呢份就係璇璇你既禮物啦！』
『哼～～逸朗哥哥不許耍賴啦！～』璇璇撒嬌地說。
係眾人都連忙把禮物交到璇璇手上時，我先發覺原來我都無準備好禮物。
畢竟，我同璇璇都識左咁耐，佢難得黎一次香港我唔準備返份禮物比佢…好似唔係幾好咁。
但奈何我今日全程都只係掛住要質問逸朗既事，完全唔記得左要買禮物…
唔係喎…！
忽然，我靈機一觸！
『天哥哥～～』璇璇追問道：『那你呢～？』
「當然有。」我拍了拍逸朗一下：「不過等一等我，我同逸朗去拎返黎先。」
『下？』逸朗一頭霧水地望住我問：『做咩叫埋我去拎？』
「唉，唔好問咁多啦，」我捉住逸朗起身說：「諗住比個驚喜璇璇嘛！」
『嘻～！還是天哥哥最疼我～～』璇璇甜笑左一下後，佯怒道：『逸朗哥哥就太壞了！』
我連忙說：「咁又唔好咁講。」
我見到逸朗萬分不情願，好似唔想離開身邊果條女咁，我就決定打蛇隨棍上，迫佢跟我出去就範。
「果份禮物，逸朗都有份架，」我手爭輕輕碰了逸朗一下：「可？」
『呀…』逸朗與我對望後亦心領神會：『係…係呀！我點會唔準備禮物比你呀…哈哈。』
『嘻～～那你們快去吧～～我和姐在這兒等你們～』
璇璇拋下一句後，逸朗便陪同我慢慢走出包廂離開。
終於…我都可以搵到機會。
未幾，我同逸朗走出夜店，去到馬路對面既一間便利店入面。
店內人煙稀少，除左店員外就幾乎就只有我地倆個。
而且已經踏入深夜時分，四周亦寂靜無比。
『衡仔，你準備左咩禮物？』逸朗身處便利店雪櫃前問道。
「嗯…」我沒有回答：「食唔食煙？」
『我？』逸朗好奇地望著我：『唔洗…』
「一包黑冰唔該。」
買完煙後，我就走到便利店外一處，慢慢燃點起一支香煙。
「呼……」
我吐出一縷輕煙，望住迷霧在街燈映照下的夜空中飄散。
此情此境…令到我心內倍添憂愁。
因為我知道…係短短既時間之內…我將會失去一位曾經既兄弟。
『又話拎禮物既？』逸朗四處張望：『係邊？』
「逸朗……」我鼓起勇氣：「我有件事想問清楚你。」
『咩事？』逸朗下意識的反問。
「係關於詩娜。」
我終於講左出口。
逸朗聽到我講「詩娜」個名時，整個人都好似呆左一呆，然後尷尬地笑著。
『詩娜？咩啊…邊個黎架？』他說。
「點解你仲要扮野。」我單刀直入：「詩娜係我最重要既人！」
『下，』逸朗語調一轉：『我都唔知你講咩，你講詩娜我完全唔知係邊個囉。』
「唔知邊個！？係果個我每日都陪住佢打rank既女仔呀！」我開始激動起來。
『hey…冷靜…』逸朗被我嚇了嚇，站直說：『哦，果個女仔嘛…我知…你想問咩？我唔識佢架喎…』
估唔到佢把口仲咁密，仲以為可以將我蒙在鼓裡。
「你唔洗扮喇！」我仇視著他，怒喝道：「前幾日你黎搵我，係咪故意阻住我返屋企陪佢
！」
『下，我同璇璇黎咋喎，我點知你約左佢姐。』
「你會唔知！？」我續道：「果日詩娜係我未收工前已經不斷打比我！之後晚上佢仲知道我身邊果個係女仔！唔係你接觸過佢，佢會知道咁多野！？」
『………』逸朗似是被我迫到無路可退地沈默下來。
「枉我一直都當你係兄弟！」我愈來愈嬲：「你要食璇璇家姐…好！我幫你使開璇璇。你平時要食女，我都會幫你，但今時今日，你唔單止威脅我話會向詩娜爆我啲野，你仲要陷害我！？」
『………』
「出聲呀！」我嬲到咬牙切齒：「你知唔知佢對我有幾重要呀！！仆街！！你係咪睇中左佢，連我愛既人都想搞呀你！！屌你老母！！」
『兄弟…件事真係唔係——』
「唔撚好叫我兄弟！」我聽到兄弟二字更是怒不可遏：「我無你呢種著紅鞋勾二嫂既兄弟呀！」
『………』逸朗再度沈默。
我沒有理會，接著說：「你老味…你要食女我咪幫你囉，但你知唔知佢係我最愛既人呀！你唔好同我講唔知呀？你都識話我晚晚都陪住佢啦！你唔係咁都get唔到呀！？你身邊都大撚把女啦！做乜鳩野要同我爭姐？我得撚罪你啲咩呀！張逸朗！」
『………』
「你知唔知…你知唔知詩娜對我黎講有幾重要呀！係！可能你會以為我成日都玩玩下，係同你一樣對感情咁唔認真既人，但，你知唔知我有幾愛佢呀！！係詩娜教識我點去愛一個人架！！你知唔知咩叫愛呀…？你成世都唔撚會知呀屌你老母！！！」
終於，我都將內心所有冤屈氣都發洩哂出黎。
我真係好嬲，而且仲好心痛，眼淚不自覺地一邊講一邊流落黎。
我唔單止失去詩娜，我更失去左一個朋友。
但我知道我咁做絕對無錯，錯既…就只有眼前既呢個人！
「出聲呀！」我不斷怒吼著：「你老味唔係同詩娜講好撚多野架咩！？做乜撚野唔出聲呀！！」
『衡仔…』逸朗終於開口：『你冷靜少少先。』
「冷靜…！？」我聽後不禁苦笑：「你叫我點冷靜呀！而家係我最好既朋友出賣我呀！我唔係璇璇面前爆你大鑊已經好撚比面你喇！屌你老母！」
『呢件事…』逸朗欲言又止：『璇璇都知。』
「璇……」我目瞪口呆，發不出半點聲音。
『係。』逸朗直視著我：『其實我地咁做都係迫不得已。』
「迫不得已…？」我毫不相信眼前人的說話：「唔撚洗再扮喇你！迫不得已？勾二嫂叫迫不得已？拆散我地叫迫不得已！？」
『衡仔…我地其實係…為你好……』