果一日,番到屋企之後都好down,因為我唔捨不得佢。

但佢留底左個電話number 喎, 不如試下搵佢?
「hello,你估下我係邊個?」
「hello, ceci !」
「乜咁架,咁容易估到。」
「你係點估到?」
「你隻鬆弛熊出賣左你啦!」
「吓,你又知我同鬆弛熊有關。」
「你書包掛住咁多隻好難唔知既!」



本來,我以為楊sir 離開學校會令我地唔再溝通。
但反而增加左我同楊sir 既交流。
我同佢會分享tvb 膠戲既心得,會分享大家既人生價值觀...大事小事我都會同佢分享,
除左一樣,就係過往咁多章 大家睇過我既經歷。我實在唔敢想像佢知道眼前既學生朋友係一個淫娃。

佢更加令我知道我唔可以再同蔡梓浩一齊,我好應該從新出發,搵番自己。
因為要尋找真正既快樂唔應該拖住呢個根本唔愛錫我既人身上。

係呢個升中五既暑假,我無再痴線,反而去做好多野令自己忙碌,


我要脫離蔡梓浩,我想唔再依賴同習慣佢。
而梓浩就去左番part time,由於佢有新既環境轉換,佢亦好忙。無時間俾我習慣佢。
當然新環境有新女佢緊係有溝,不過呢d 都無謂多講。


其實我同梓浩既分手 並唔突然,但並無導火線。
只係有一日,我終於都下定決心要好決絕咁講果一番說話。

於是,我whatsapp 佢。
「蔡梓浩,唔知你仲記唔記得,我地幾時開始拍拖呢。當時,我十三歲你十四歲,


我地一齊得好突然。 初初同你一齊無諗過自己會真係鍾意左你,
我從來無諗過我地會一齊行到咁耐。曾經我以為咁就一世,
我以為我地可以係我19歲既時候結婚。原來所有野都係基於我好天真,
原來我13歲同你一齊 唔代表我23歲 33歲都咁愛你。
我知道你唔甘心一世就只係同我一齊,所以你先想周圍識女仔。
什至你覺得我永遠唔會離開你,我點都會同番你一齊。我記得你講過,
話無論點都會番黎同我一齊。 但sorry 我唔可以接受咁樣呀。
我知我會有脾氣唔好既時候,我對你既差都有好多。
雖然我對你仍然有種愛既感覺,但我好肯定呢種感覺好快就會走哂! 我地分手啦。 」
之後佢瘋狂轟炸我既電話,我將梓浩既whatsapp 封鎖左。
我宣佈 我失戀了。 同人講分手果個唔可以話自己失戀既?
當日我即日搵左琪琪陪我唱k, 失戀就是要唱k。
我好記得當時唱過兩首歌!
分手的禮貌
「時候注定要放手 就應該放手



無法笑著原諒 仍能平靜退場
銘記他的善良 再別算他的帳
一世去記恨和氣憤 更讓痛苦延長」

仲有94340634, 其實唔係好關事,但關劉浩龍事。之後會再交代點解係關劉浩龍事。哈哈
已有 0 人追稿