我諗我可能或者係個姣系/淫娃（新手）: 二十一

其實同jimmy 一齊 我無咩太大既感受，我會當佢係我屋企人一個。都唔會真正當佢係我既男朋友。但當然我一直呃自己 話俾全世界聽，我已經搵到全世界對我最好既人了。

其實我心裡面想佢對我好既人 係另有其人 我真係十分清楚。 本來我都以為我做左咁多過分既事，佢就唔會再搵我。

但楊sir 竟然係我估唔到既情況底下 搵我。 佢睇左Instagram 我po 既相。。。

「今日去左xxx?」
「好唔好玩阿？」
對於佢突然搵我，我更加唔知佢個心諗緊咩。



「幾好阿！」

「你做咩會同左jimmy 拍拖？」
「因為我鍾意jimmy，佢好好。」
「你知唔知你咁樣對佢，佢好慘？」
「我完全唔明白你講緊咩，我同jimmy 一齊 我地都好幸福！」
「咁樣唔好！」
「你誤會左啦，就算我曾經鍾意你 果d 係以前既事，宜家既我唔鍾意你，鍾意既係jimmy!」
我好怕俾任何人發現，我根本唔愛Jimmy 唔想同佢拍拖。但當時既我認為，只要我繼續同佢拍拖。 我就一定可以同佢幸福快樂，至少jimmy 唔會好似梓浩咁樣對我。



實際上，jimmy 真係一直擔當住我男朋友既角色，仲做得好好。 我叫佢幫我做既任何野，佢都做，亦會做得好好。

而我同楊sir 亦修補好關係，繼續每晚無間斷既傾計，不吐不快。楊sir 仍然會有時有d 新目標，不過佢地好多一早有男朋友什至有老公。 有時我好衰咁諗，我係咪仲會有機會？。。。

有時候 ，我會同jimmy 一齊搵楊sir 溫書。
我地去楊sir屋企煮飯俾楊sir 食 跟住就一齊溫書。感覺上，我地有講有笑 都幾幸福架。 

好快就考dse，我同jimmy 就開始認真溫書，減少進行活塞運動。 其實根本無悿。 直情係好努力向dse 條路係咁直奔。。。

其實我所講jimmy 對我好好，係真係好好，但唔係男女朋友既果種感覺。



除左去楊sir 屋企溫書，當然會再有同楊sir 慶祝生日既部分。今次將其他人對楊sir 既祝福 放係一張大既卡入邊。 又有好多細既卡係大既卡上面。

用透明卡套裝住每一個人既祝福，變成最巨大既祝福。 再搵左好多人 一齊同楊sir 慶祝生日。其中發生左個小插曲。

「你一陣落街記住拎蛋糕出黎，唔好俾楊sir 發現。錫哂你！」 我whatsapp jimmy 提醒佢。
「ok 知道啦！」
我一落到街搵到楊sir 打算問佢拎鎖匙上佢間屋佈置左先。
「hello ， mr 楊。」
「ceci，jimmy 係你後面！」
...
「點解你要行過黎呢？ 咪叫左你唔好俾佢見到個蛋糕，你玩哂啦！你係咪傻架？咁蠢！」
我真係忍唔到口 屌9佢 ok 知道 但自己行埋黎。
我知我咁鬧佢好撚過分，但係真心係好白痴。
而jimmy 就係咁蠢，令我更加無可能鍾意佢。


「算啦，其實有蛋糕已經好好架啦！唔好怪jimmy!」
「sorry. 我只係覺得好無奈 ，點解你咁唔識做。。！我唔應該咁惡鬧你！」
「唔緊要haha!」
jimmy 有無嬲我，其實我覺得係無。因為我感覺到佢只係對我好，覺得是義務，唔係真心愛我。
佢從來無表現過妒忌我對楊sir 既好。亦可能係，我無愛過佢所以唔明白掛。

係生日會入面，再無我同楊sir 單獨既約會感覺。
留番底既係果種朋友聚會既歡樂。

大家一齊食下野，講下笑，唱下歌。好開心！！
「藍詩婷同學，好多謝你為我預備既野。多謝你既生日卡，生日帽，生日蛋糕。你又再一次令我覺得好感動！我真係好少慶祝生日，因為屋企既關係。但係你同我過既生日，我感到好開心！祝我生日快樂，亦祝你同jimmy 幸福快樂！」
完左成個生日party，楊sir whatsapp 我。

「haha 唔洗再同我講多謝啦，頭先你已經講左好多次。我傷害到你影響到你既事係我做錯。但你永遠係我既好朋友，好師父！」



就係咁，楊sir 既生日完結左～

話咁快，就到左考dse既月份。有無人記得我話過，我係嚴重路痴。 考dse 雖然係係自己果個區，但我係完全未去過果d 學校。

所以jimmy 就同我事先去哂每一間學校，行足一日。我考中文口試，佢就係果間學校門口等幾個鐘，等到我考完出黎攬住佢，一齊討論下考試果陣點點點。
「考成點阿ceci?」

「頭先考試果陣阿，勁凍囉 我又無著夠衫。。。」

其實佢同我既世界係好唔同，我鍾意周杰倫，佢鍾意聽純音樂。佢對歌詞係唔會有任何感覺。而且佢從來唔了解我到底諗緊d 咩，有時大家既交流真係仲少過普通朋友。。。

但講左幾廿萬次都要講，佢真係好好。
除左陪我搵學校之外，對於我無信心去得番既學校，佢會一早起身送我去啦，或者得登拍片教我去。。

同jimmy 一齊最正就係安全感爆燈，肥毒撚 唔會有人同我搶！！



但始終成年都係一齊溫下書，考試。 真正逼我同佢要溝通既時間好少。直至我考完dse，問題終於浮面。。。