我曾經認識過不少網友,而識網友呢個行為係由我小學三年班開始。 

細個果陣有好多假期,暑假,聖誕假等等。 
當時無咩朋友,就算有朋友,亦好難約到去玩。 

有同學仔推介,係(香港教育城)小校園入邊既我的學會到玩。 
係果到識左唔少朋友仔,亦都係最早啟發我後來選科同興趣既地方! 
係小校園識既大部分都係女仔,中學生又有,小學生都有。 
果個時候同呢啲大過我既女仔講電話真係好開心架,早啲接觸到啲基本既拍拖同性既知識。 
亦因為佢地,我可以早啲認識。 



一年之後,我開始進攻跑online。 
第一次同陌生異性講電話,第一次聽男仔講sex 都係果陣發生。 
有啲人就係明明存在既時間好短,影響卻係好長遠。 

到左小五果年,試過網戀。佢都算係我第一個愛上既男仔。 
不過,佢住得離我好遠,身為小學雞既我並無親身見過佢。 
不過好似除左mk味濃之外,都幾純情架。 

及後,除左係街撞到過女性網友之外,呀朗就係我第一個係網絡世界認識,我又親身見過佢既人。 



認識呀朗,絕絕對對係因為呢一個淫娃故事。 
本來我係收心養性對呀樂一個淫,但係。。。 
一個呀朗就將我隱藏既劣根性完整咁展現出黎。
記得呀朗直接PM左佢電話號碼我叫我whatsapp佢。 

我心諗「會唔會有人咁直接俾自己手提電話號碼人呀,唔會怕俾人起底?」 

我就即管加下你電話,睇下你到底點解你會咁直接俾電話我。 

點解會咁?條友係咪傻架?點解個whatsapp? 


上線日期成個月前架喎! 
挑,運吉既咩?仲諗住有得起佢底悿。 
於是,我無覆到佢,亦無打算理會呢個人。 

點知,佢竟然再係我po 到留言叫我check pm ( 請大家高抬貴手唔好check 邊個係呀朗) 
咁我故且覆下佢。 

「因為我唔知你想識我係為左啲咩,所以無回應你,你不如講下你想傾咩內容,我先決定俾唔俾聯絡方法你啦! 你可以俾line我,我okay會add你。 
因為whatsapp 無咁安全同埋我見你好耐無上線!」 

過左一日之後,佢就覆我pm。 

「要審查過先架 ?我諗會係閒計同以前既經歷多。 
係呀,spare電話好少開其實,同我始終都怕比人知真身份所以搵左個分ac pm你。毒撚怕見光。」 



都係閒計同以前經歷姐。。我諗我都可以同佢做個朋友! 

所以我都俾左個唔係本身用開既line account 佢加。。 

佢話佢俾電話我係想突圍而出喎,咁樣我先會更加留意到佢,好似係咁! 

於是,當晚,佢就開始同我吹水。 

「乜你新post個名咁普通ga?」 
「係咩?」 
「我廢事改個咁淫賤既名啦,之前個post已經有七十個負皮。」 
果陣岩岩開左第二個post。 
「宜家我改左第二個名好好多啦。」 
「俾著我會叫做淫娃2.0」 
「咁不如叫淫娃進化淫娃瘦。」 


「叫淫娃ex啦,洛克人進化係洛克人ex。」 
「女仔唔睇洛克人架囉,唔識。」 
「咁叫淫娃全面睇。」 
「如果我有機會開新post, 我聽你話啦。」 
「呢下我聽你話真係不得了,我岩呢type。」 
呀朗話,「我第一次pm人」 「一定有好多狗公pm你。」 
佢又話,「我呢個post名講到明自己係淫娃,實好多人以為pm就有閪屌。」 
果一日,我部電腦上唔到高登,佢就話「專心係我身上,唔好再收其他pm,一諗到你會覆其他人,就唔鍾意。」 

呀朗係一個好大男人既人,所以佢鍾意聽佢話既小女人。 
可惜我唔係佢鍾意既小女人,我個樣偏姐姐樣,不過鍾意做妹妹既性格。 
雖然呀朗好大男人,但對答之中佢係好溫柔,我真係覺得佢好可愛。 
呀朗話我係佢第一個網友,其實佢好怕俾人起底,但佢信我。
於是佢用左佢真身既line 搵我,俾左個樣我睇。 

「其實我個故仔講左自己咁多真事,好怕俾人認得架wo。。」 


「我唔會出賣你架,信我啦。」 
「點信呀?我信錯過太多人啦。」 
最後我都信錯左人。。好似係? 
「其實我以前係一個playboy,玩得癲過你,出哂名。」 
「你咁樣講我就要信你咩?」 
就係咁,呀朗終於開始講自己既經歷。 

「我係幾年入邊換左幾個女朋友,係呢幾個女朋友之前,我識左個女仔,鍾意左果一個女仔三年。。 
佢係三年入邊換左兩個男友,但始終無同我一齊。。於是係果段時間我周圍識女仔,做狗公。。 
之後終於識左個初戀,不過佢只係一個水泡,我做左好多對唔住佢既事。」 
果陣係凌晨兩點半,我真係唔捨得去訓。。 
好想聽呢個人講既野,唔知係我太鍾意聽人既經歷,抑或係我對呢個人有好大興趣。 
因為性格相似?但又好似唔係喎。 

「朗朗,快d話我知你有幾playboy啦!」 


「做咩嗲我,我果陣playboy 到將第一次俾左初戀既好朋友,係咪好賤呀?」 
「你唔鍾意人嗲你架? 你繼續講啦,我睇緊架!」 
「我會有反應架,唔好嗲我。」 
「playboy 會咁樣架咩?」 
「其實我個人根本唔playboy,只係想有人係我身邊,feel 到愛,所以先漁翁撤網,點知係愈來愈失落。」 
「點解你咁似我?」 

。。。果一刻我真係覺得電話對面既呢個人講既野正正就係我自己! 
好似照鏡咁,由細到大,屋企人同我年紀相差得遠,工作忙碌無時間陪我,我真係好缺乏愛! 
因為咁我先會開始上網識朋友,接觸到性,接觸到愛。 
先會想用依啲野留住果堆男人,先會想挑逗佢地,想引人注意,想佢地喜歡上我,漁翁撤網。 
但用肉體換番黎既愛情真係唔係愛情。。 
「所以我先會pm你。。」 

「我同左初戀一齊,外人睇落都sweet既,但我知自己唔鍾意佢,所以其實一齊得好辛苦。有次佢個好朋友失戀飲醉酒, 
初戀就叫我接佢番屋企,點知原來個女仔屋企無人。佢引我,我就同佢上左床。果次就係我第一次。」 
「之後仲有第二次架,後來同初戀散左又一齊番,有條女send 丁圖黎,我就受唔到引誘,又同佢互send。」 
「屌你真係好撚仆街,點解你可以咁撚樣對自己條女。。我真係最憎你呢d人。」 
「我個人性慾好大,好容易就俾性影響到自己。。」
已有 0 人追稿