(七)


由於Zoey今晚得閒,所以佢應承左Hinson既邀約。

「Hinson你岩咩」我問佢

「同佢熟啲咪同呀樂有機囉」條友不懷好意咁講

「都估到你條友架啦」




zoey應該係我啲fd入面戀愛經驗最豐富既一個,亦都係最花心既一個。

而且我講過佢讀社工,所以佢真係好識玩心理戰。加上人馬座既佢,就好似一隻無腳既雀仔咁唔識定性。


但其實佢對愛情呢樣野睇得好透切。




無奈既係,發生係佢身上既事,佢可以明知無結果都仲鐘個頭埋去,搞到一塌糊塗;但係當每佢啲朋友失戀,佢一定係咁多人入面最識安慰人,啲分析最理性最有建設性個個。


「利用人添啦依家,可憐既Hinson」

「咁Hinson都唔錯既,同唔到呀樂一齊,咪試下同佢」

「嘩你當人地係咩,衰到你呀」

「車 ,衰極唔夠你啦,瞞住傲言同呀宇出街」佢笑住咁串我



「講咩呀,幾時有瞞姐... 我同佢朋友黎咋,佢都有女朋友架煩!」我批佢肘

「哦,係咩係咩」佢繼續用個嬲打樣黎拮我。

我同佢... fd黎姐。大家都有另一半,點會鍾意對方呀。


「hello!」講講下,呀宇佢地已經到「sorry呀要你地等」

「小事啦,我成日等Zoey等成個鐘架啦」我特登將成個鐘呢三個字講得大聲啲。

「你出少陣聲啦崔雪瞳,好煩呀你」Zoey一野拍落我度。

呀宇笑左一笑「兩位靚女想食咩呀」



「Zoey話事囉,女主角」

Zoey用個懶凶狠既樣望住我,我就對住佢用個好得戚既樣望住佢。

「食譚仔!」Zoey同我一樣係個譚仔迷


八點幾,我地入到去,間野幾乎已經爆人咁濟。

等左十分鐘到終於有位坐,我地係坐卡位,我同Zoey坐,我對面係呀宇。

我地拿拿聲叫左野食,跟住又繼續我地既等待之旅。

「係喎你地依家讀緊咩呀?」善於交際既Zoey首先破冰。



「我讀science,佢讀account」Hinson狗衝去答

「你讀science架?嘩,睇唔出」我真係忍唔住好驚訝咁講。

「我係就係成日去蒲,但讀書都ok既」佢懶謙虛咁笑左一笑

「勁過你呀崔雪瞳」Zoey係都要搵位入我

「收皮啦,我下年會係psycho既精英」

「一定係咁啦,喂係喎,我地係咪一齊去helloween架」佢串完我就隨即另番過去問Hinson

「係呀」



「咦你做咩唔出聲」zoey見呀宇由頭到尾都無講過野。

我地既目光都好自然咁放曬係呀宇身上,唔知係咪錯覺,我硬係覺得佢岩岩望緊我。

「無呀,Hinson咁吹得,次次同親佢出去都有佢講無人講架啦」佢笑住咁講

「屌!講呢d,係你次次都係d女面前懶神秘唔講野咋嘛?」Hinson一句得埋去。

無幾耐啲野食就到左,我地都係普通傾下計咁,但多數都係Hinson同Zoey出聲。

我就係隔離負責陪笑,俾Zoey串下咁。我成日都好快咁樣偷望下呀宇,有幾次我都發現佢望緊我,我又會即刻望去第二度。

「喂不如去睇戲呀」食完個譚仔,Hinson望住Zoey咁問「我地」。

「呢排好hit個套咩少女時代啲人好似話好正,好評多過那些年喎!」最鍾意愛情片既Zoey瞬間附和Hinson。



「但係我一早睇左優先場啦」

「一係你兩個去睇囉,咁夾」呀宇笑笑口咁推左Hinson一野,將佢推過Zoey個邊

「好喎,你兩個一見如故咁款,快啲去培養下感情啦哈」頂你何素兒,岩岩成餐飯係度串我,依家仲唔到我抽番妳水?

「講咩呀」Zoey一野拍落我手臂,個樣明顯有啲尷尬。

而我見到Hinson對住呀宇擺出一個感激不盡既樣

「走啦何素兒,又話好hit,等陣就爆埋場我同你講」我作狀要趕佢走

跟住佢兩個真係走左去。


「終於得番我同妳」我同呀宇沿住海旁一路行

「你好想同我單獨行咩」我笑住問

「係呀,佢地係度咪阻住曬」

「阻住你做咩呀」呢句我好想問出口,但係我忍住左

「妳又會成日咁得閒唔洗陪男朋友既」

「佢year1忙啲架啦,成日都要趕assignment個啲,今個禮拜見得個一次」

「哈,我同條女都係一個禮拜一兩次啦」佢笑左一笑

「你都慣啦唔係咩」

「唔慣架,緊係想成日可以見到自己鍾意既人架啦」

「咁你又岩既」我不自覺咁點點頭

「... 但呢幾日又好似無咩唔慣」呀宇講完呢句,有意無意咁放慢左腳步,然後抬頭望上天。


「靚仔,買支花送俾女朋友呀」迎面而黎有一個著住helloween服飾化曬妝既女仔拎住個擺滿朱古力玫瑰花既籃行到我地面前。

「好呀」呀宇對住個女仔笑左一下,然後係褲袋拎左廿蚊出黎。

「多謝曬呀,萬聖節快樂!」

「拿。」個女仔走左之後,呀宇將支「花」遞俾我。我望住佢,個腦仲未load得切,佢就拎起我隻手,將支花放左係我手心。

「拿妳唔收我會好瘀架」佢望住我用講笑既語氣咁講

「... 多謝」



我一番到屋企就影左呀宇送俾我個朵朱古力玫瑰,然後wtsapp左佢 「多謝(笑喊)」 。

撳番出主頁,傲言仲未覆我,線上時間停留係12:10pm

傲言呢排一定好忙,聽講下兩個星期就要考mid term,呢個禮拜就趕緊project,亦都因為咁,我地呢排每個星期只係見到一兩次面,仲要約會期間佢間唔中都要覆下wtsapp電話。

「bb,你28號係咪去helloween呀」沖完涼吹完頭,傲言終於覆左我。

「係呀」

「咁我約呀軒佢地去傾埋份assignment同埋去飲野架啦」

「好啦,咁你幾時見我呀(豬樣)」

「乖啦,我考完試日日見妳又點話(鍚鍚樣)」

「好啦(喊樣)」

「我訓先啦,聽日起身搵妳呀,晚安寶寶(心心)」

「晚安(心心)」



「咁個日五點半迪迪尼門口等啦」我係電話同呀軒講

「有邊個先,叫多兩條女啦」

「咪我地三條仔加呀敏囉,加多兩條女... 想叫埋你女神咋!」

「屌你知就幫下手啦,你係唔係想雪瞳知你同呀敏...」條死仔係度威脅我。

無辦法啦,邊個叫我同佢女神熟

「屌鳩你,依家問囉好未呀。」

「好兄弟... 喂其實講真呀,你同呀敏真係just sex?」呀軒無啦啦問我

「緊係啦,又諗咩呀你」

「無呀,話曬識左你咁耐,第一次見你同一條女維持呢啲關係超過幾個月,呀敏仲要由F6個陣開始... 計番都成年幾啦喎,你唔係...」


呀軒中學個陣已經係我既好兄弟,到大學個陣都同我揀埋同一個科,又咁好彩俾我地一齊入到。

佢見證住我由一個player變到沉雪瞳船,再到同雪瞳一齊之後第一次同第二條女搞埋一齊,姐係呀敏。

呀軒好鍾意雪瞳。I mean佢身為我好兄弟,佢覺得雪瞳係一個好好既女朋友。


其實我知道。


我不嬲都係個脾氣唔多好既男仔。係同雪瞳岩岩一齊個陣,我除左會flirt女之外,更加成日對雪瞳發脾氣。

因為心虛,好驚佢會知道我周圍走去flirt人,所以無論雪瞳一有少少質疑我,或者再三comfirm我同一件事,我都會發好大脾氣。

直到有一次,我開緊個八卦page俾雪瞳睇個陣,有條女無啦啦wtsapp左啲好曖昧既野俾我,雪瞳同我同步睇到個msg。

嗰一次雪瞳第一次對住我發脾氣,亦都係我第一次發唔出脾氣。

我不斷挽留佢,最終佢肯原諒我。

個次之後,我更加肯定我真係愛上左崔雪瞳。我要為佢變專一。


但係男人都係咁, 就算呢一刻講到幾聖人模式都好,當有條女打開對腳俾你屌個陣,咪一樣係用條撚諗野,屌左先算啦,然後再編織一大堆既藉口去合理化自己既錯。

只要我最愛既係佢咪得囉。

男人玩完識番屋企咪得囉。

邊有男人唔偷食,精神無出軌咪得囉。

我講緊既男人,包括我。


「痴線,緊係唔會啦,雪瞳先係我最愛個個。俾著呀敏除曬衫係你面前你都想屌佢啦下話。」

「嘩緊係唔係啦,我有我女神就夠架啦,你個呀敏咁求其就肯俾你上,都唔知係咪雞黎...」

「頂你個肺,自己約呀琪啦屌你老母。」

「拿,一下就試到你啦。呀敏又唔係你條女,你咁緊張做乜撚野呀。雪瞳好女仔黎架仆街仔!」


我靜左。

但有咩可能,我會鍾意徐嘉敏。

諗番起每一次搵佢都係因為想搞野。就算搵一大堆好好聽既藉口約佢出去,目的都係為左最後既床上活動。

但係呀敏... 好似為我做過好多野。

每一次寂寞個陣,佢都會出現係我身邊。生日,節日,佢都會記得我,但我就一定係同雪瞳過。

呀敏個處... 好似都係俾左我。


「想搞野姐,搵番條女係咪唔得呀。點解有女朋友肯俾你中出你唔屌,係要屌個要帶套既sp呀。你唔係唔知呀敏冧你架,遲下你甩唔到身我真係除左恭喜你之外都諗唔到講咩好。」


叫我唔好再搵呀敏,我做唔到。

可能佢係我心目中真係已經佔左個位置。