(一)笑意
 

件事發生之後嘅一星期
我都好安份守己,盡量去克制自己產生劣行嘅衝動。
 
然後我每一日都好沉默,並且專注係一件事上面
 
 
陳家朗 陳家朗 陳家朗




 
不停用鉛筆來回地寫上佢個名
腦入面全部都係廁所嘅畫面
 
直覺話我知,
佢要準備搶走左張老師
而我唔可以比呢件事發生
 
 
所以我將所有注意力放喺佢身上,下一步要點對付佢




我唔可以比佢搶走張老師
唔可以!
 
“......”
於是我停止無謂嘅名字覆寫。
再翻開新一頁
用畫圖構思整個計劃
一筆一劃。思緒亦開始進入犯罪者嘅思想國度
 





要一次性羞辱佢?定係慢慢折磨佢?
我唔識取捨
因為兩樣都好難滿足到我... 亦達唔到真正嘅目標
 
 
 
消失
 
 
突然靈機一觸
係喎,只要令佢消失。佢就唔可以再見張老師
 
 
殺人?
 




 
殺人係好主意。
我要去殺死佢,但如果真係要殺死佢
事前一定有好多功夫要準備
 
 
因為我好清楚殺人嘅後果,
自小二開始已經對兇殺片好有興趣
 
所以一放假就會偷偷地拎老豆d 老翻黎睇
只要係有關殺人嘅題材
我都會睇
 
 
所以當我決定行呢步嘅時候,一定要準備好一個周詳嘅計劃




以防百密一疏
 
我揭開另一頁,寫上目錄
『行動計劃及日期』


(二)
 
 
首先,單獨見面嘅機會唔多
亦都無可能跟蹤佢
因為佢爸爸會渣車接送佢返學放學
 
要搵一個機會可以同佢單獨見面
 




有咩方法呢... 有咩方法呢....
 
 
用鉛筆係同一個位置上不停寫上「8」字
 
呢個係我嘅習慣黎。
當我思考緊嘅時候就會出現呢個動作
 
 
直到我聽到一把聲
 
徐麗姍,比返舊擦膠我呀
佢調皮一笑
 
 




我亦都跟住佢笑...
 
因為我
已經諗到約佢見面嘅方法...
 
 
只要佢一消失,張老師就係屬於我...
然後徐麗姍... 就可以成為我其中一個玩具...
 
 
望一望我本日記
今日星期一
 
於是我係「實行日期」果欄
圈上星期四
 
 
之後就要準備殺人用嘅工具。
 
 
哈哈...”
我覺得自己好似主角...
好似恐怖電影嘅主角...
好興奮... 可以試下殺人
真係好期待
 
 
 
只可惜對於當時仍然係小學生嘅我黎講,
將殺人睇得太簡單......


(三)
 
 
叔叔~ 我想要一把粗少少、大把少少嘅界刀
 
地中海頭、臉型瘦削嘅叔叔望一望我,
然後繼續睇佢份蘋果日報
要界刀做咩呀?仲要咁大把
 
揭開另一版繼續睇:“無大人陪你黎,我唔會賣你架喎”
 
 
“...我無媽媽架...”         我低一低頭,眼眶中已經漸現淚水
 
我做戲好叻,而且自細已經有呢個天份。
記得上年仲喺小三果陣,因為我嘅非凡嘅演技
已經令比我恰既同學由「原告」變成「被告」
對於演技
我有一定嘅自信
 
 
... ... 呀小朋友唔好意思... 我唔係有心架。乖,唔好喊
佢即刻放低手上嘅報紙,喺櫃檯入面走出黎安撫我。
 
我當然抓緊機會有幾大聲喊得咁大聲
 
 
好喇好喇,你要做美術功課係咪?我賣比你喇
佢係褲袋拎左粒珍寶珠出黎比我
叔叔請粒珍寶珠你食,嗱
 
 
我接過珍寶珠示意多謝,然後將界刀放入書包
走之前對叔叔點頭
 
 
然後喺前方不遠處嘅垃圾桶扔左枝珍寶珠
 
 
好心啦,咁大個人仲食呢d 野
 
 
我打開書包拎返本筆記出黎,揭開摺左角嘅一頁
果版比我畫到花哩花碌,但對我而言亂中有序
 
再抬頭於斜對面一間屋


我又露齒一笑了
 
已有 0 人追稿