【十惡】係我的志願一欄填上：強姦犯（修訂版）: 【第十二章】：中學

（一）中學


“各位同學早晨... 今日我地好遺憾有個懷消息要宣佈”
“6A 班嘅陳家朗同學... 已經不在人世。”
 
連平時嘅一小撮聲音仍變得安份
 
“如果尋日大家有睇新聞嘅話都知道...”
“前幾日嘅肢解案經過警方調查後證實，受害者就係陳家朗同學”




 
校長深呼吸再繼續
“我希望大家為事件中不幸離世嘅陳家朗同學，為佢沉痛地默哀掉念......”
 
 
對於警方嘅發現，我並不意外。
 
我所在意，只係我所做嘅一切有咩意義？
究竟有咩意義......
 




早會結束無耐，校門外已經聚集大批記者傳媒
校長亦由幾位老師陪下緩緩走到門外應付
 
而學校嘅社工亦開始提供心理輔導比有需要嘅同學
我見到徐麗姍步入輔導室門前，短巷中佢望見我
而我就直行直過，因為我已經對佢不感興趣…
 
 
放學後校外亦多咗警察巡邏，不時會向走入校內搜索。
亦會向非校內人仕登記作出入記錄




 
 
我穿過擾攘嘅人群，就一個人背住書包離開...



（二）


為左了解最新情況，返到去只好打開電視
等到到6 點播新聞
 
 
“大家好，我係記者馬詠儀。身邊呢位係重案組嘅沙展方sir 。”
“方sir你好，請問你對呢單案件有咩睇法？”




 
 
頭髮往後梳，打扮非常斯文嘅佢
不慍不火地吐出見解
 
“喺1 小時之前，我地喺呢度附近再發現另一具被肢解過嘅屍體。”
“死者係一名中國藉男子，我地喺佢身上面搵到少量證物。”
“暫時唯一可以證實到佢係一名的士司機。”
 
 
佢回頭望一望，再繼續
 
“而現階段我地有理由懷疑呢單案同尋日嘅肢解案有關”
“不過有一點，警方認為相當有可疑。”
“就喺今早清晨時分，有住喺附近嘅居民目擊一架的士由案發地點區駛走。”




 
“所以根據警方初步推測，兇徒好有機會行兇之後，駕駛的士離開案發現場。”
 
 
 
“......咪住！？”
“唔撚係...！？點會......！？”
“有人... 佢... 佢成個過程... 睇到！？”
恐懼感充斥，我開始口齒不清
 
 
 
“而根據屍體初步鑑定，兇徒嘅犯案手法雖然兇殘，但並唔純熟。”
“至於犯案動機我地仲需要時間調查”
“不過...　我地就發現兇手係故意留低線索比我地查”




“而我個人認為，佢依家係挑戰緊警方，挑戰緊道德、法律、公義。”
 
 
“爸爸！！！”
一名獨臂少年企圖衝破防線走去屍體處，但比數名警方拉住
佢情緒激動，淒厲嘅慘叫相信令在場人仕無不心痛
 
 
方sir 望住果位少年，壓下口氣後。
再次眼神堅定：“我地警方一定會盡全力緝兇。”
 
 
我熄左電視。
因為我開始混亂，
 




原本對呢件事無任何期待，亦無任何感覺
 
有種感覺，我完全行錯左呢一步...
突然出現嘅變數...
 
我覺得我嘅人生
似乎... 就快完結...
 
 
 
 
但人生往往出乎意料之外
 
案件於警方多番調查無果後，
亦只能夠暫時記錄在案
 
究竟架的士去左邊？的士上嘅人又係邊個？
我唔知
 
 
只係知道
我嘅小學生涯
亦要係漆黑中告終...



（三）


因為考試成績差，最後我只可以揀間band 3 嘅男女校讀
為左忘記小學所有野，我開始逼自己改變。
 
開始同老師，同學互動
無以前咁沉默
 
而我亦係中二果年識到兩位轉班過黎嘅新朋友：
毒言，淫豪
 
 
毒言全名盧逸言
典型毒撚性格，內向又怕人；
 
淫豪顧名思義真係好淫，佢叫程柏豪
貼近潮流，鍾意打扮自己亦擅於交際
但樣就天生嘅... 佢對眼有少少鬥雞
所以無論點打扮都冇乜囡埋身。
 
不過可能真係緣份，我地3 個好快就一拍即合成為死黨
 
 
但青春期亦為我帶黎另一個麻煩；
我對性嘅渴望
 
喺淫豪推介嘅咸網，我捉住我下體
第一次打飛機，最後慢慢地開始沉溺
 
我諗... 每日都有3 至4 次掛
 
 
後來經歷短短兩年中學生涯，
中三果年我開始從頭到腳出現徹底改變...
 
“1 米 76 ，下一個”
體育老師張揚手勢
 
除左身高之外，我嘅外表亦開始脫變。
 
鼻樑開始筆直，雙目亦變得有神。
而且配合我小學已經維持嘅健身運動。

肌肉變得結實有線條，
慢慢開始吸引到學校唔少女同學嘅目光
 
所以好快，我已經有第一個女朋友