原來將巨漢既「祿山之爪」扯走,將我由水深水熱之中救出黎既正正係師傅。
師傅雖然睇黎骨瘦如柴,但係估唔到佢竟然可以將呢個大隻佬既手單一扯走。

當然過程中,由大隻佬手臂上既青筋黎睇,大隻佬都有試過反抗,
但係結果依然不敵師傅呢支尤如籐條一樣既手臀。

「先生,不如專心睇戲啦,好嘛?」師傅以一個相當凌厲既眼神望住我身後既大隻佬。依一刻個感覺就好似一隻獅子對一隻兔仔作出命令一樣,只要兔仔唔聽話,佢就會即時變成獅子既飯後甜品。 你唔好問我點解獅子同兔仔會講到野,亦唔好問我肉點可以當甜品,比喻呢家野,大家唔駛太執著。

不過眼前既情況其實都幾滑稽。
一隻好似變形俠醫既兔仔,一隻好似貓仔size既獅子。




我突然覺得,原來有時size 大唔一定大曬。
男人果然最緊要係霸氣。

「睇戲呀!聽唔聽到呀!」我心口經過左淪陷既日子,我更覺自由既寶貴。
我雙手交叉繞於胸前,亦不失霸氣抽一抽大隻佬水。

大隻佬眼見師傅唔係咩善男信女,最後只好乖乖坐好,繼續睇番戲。
我心中暗喜,以一個勝利者既姿態回望大隻佬。

「你都係呀,叫你黎睇戲又望望貢。坐好!」




師傅一聲命令,我立即坐直。雖然我miss左套戲頭個幾鐘,
不過港產片不嬲都可以由個結果估番套戲講過d咩架啦。

反正我個心亦不在於呢套戲,
而係戲做完後既重點環節。

我運用呢個空檔檢查好我既gear。
眼鏡-已經放左o係衫袋。
槍-已經放左o係袋,入面仲load左隻銀彈彈夾。
褸-著緊。




啤牌-已開仲放左o係褲袋。

最後呢唔知幾多分鐘,我就不停地loop,不停地檢查。
直到戲院既燈光慢慢回復正常。